Eatnamat ja čázit
Meahciráđđehusa hálddus lea measta goalmmádas Suomas luondduriggodagaiguin – vuovddit, gáttit, čázit ja eananávdnasat. Geavahat, dikšut ja suodjalat min hálddus lean stáhta eana- ja čáhceopmodaga suvdilit, heivehemiin oktii stáhtaoamasteaddji, čanusjoavkkuid ja áššehasaid guovlluideaset čujuhan vuordámušaid ja mihttomeriid. Mihttomearrámet lea dáhkidit stáhta eatnamiid ja čáziid buoremus suvdilis ávkki badjel sohkabuolvvaid ja lasihit buresbirgejumi ja guovlluid eallinfámu.
Stáhta eanaguovllut
Luonddusuodjalanguovllut
Stáhta eatnamiidda vuođđuduvvon luonddusuodjalanguovllut dego álbmotmeahcit leat Suoma suodjalanguovlooppalašvuođa ađa. Luonddusuodjalanguovllut sihke meahcceguovllut ja stáhta vánddardanguovllut gullet Eurohpá uniovnna Natura 2000 -fierpmádahkii. Stáhta eatnamiid suodjalanguovlluid dievasmahttet priváhtaeatnamiid luonddusuodjalanguovllut.
Lotnolasgeavahanvuovddit
Meahciráđđehusa vuovdedoalloanus lean guovllut leat lotnolasgeavahanvuovddit. Lotnolasgeavaheapmi oaivvilda dan, ahte muorrabuvttadeami olis vuvddiin vánddardit, meahcástit, čogget murjjiid ja hárjehit ealáhusa ovdamearkan boazodoalus ja turismabálvalusain. Maiddái mehciid luondduárvvuid dorvvasteapmi lea lotnolasgeavaheapmi. Buot dát dárbbut váldojuvvojit vuhtii vuvddiid dikšumis ja ávkkástallamis.
Stáhta čáhceguovllut
Bargat olu čáziid suvdilis geavaheami ja čáziidsuodjaleamis. Dikšut almmolaš čáhceguovlluid hálddašeaddji doaimma, hárjehat meahccebearráigeahču, vástidat mearra- ja sisčáhceluonddu kártemis ja suodjaleamis, bajásdoallat áhpásmuhttinguolástanguovlluid ja ovddidat guollešaddadeami eavttuid. Váldit čáhcesuodjaleami vuhtii buot vuovdedoalu doaimmain.
Eanageavaheami plánen ja oktiiheiveheapmi
Fuolalaš plánenproseassa
Stáhta eana- ja čáhceguovlluide čuhcet máŋggalágan geavahandárbbut ja doaivagat. Daid oktiiheiveheapmi lea dehálaš doaibmamet. Dárbbut oktiiheivehuvvojit fuolalaš, máŋggadási plánenproseassa vehkiin. Buot eanageavaheami plánema dahkat ovttas čanusjoavkkuiguin.
Báikedieđu ávkkástallan
Stáhta eatnamiid geavaheami plánema vuođđun leat dárkkes báikediehtu. Min anus leat máŋggat báikediehtovuogádagat, maiguin bajásdoallat áiggedási dieđu ee. luondduváriin, stáhta eana- ja čáhceopmodagas, luonddusuodjalanguovlluin ja šlájain maid galgá suodjalit sihke plánejuvvon ja ollašuhtton doaibmabijuin.