Luondu ja kulturárbi
Measta buot Suoma luonddusuodjalanguovlluid dikšu Meahciráđđehus. Min ovddasvástádusa vuolde leat luonddutiippaid, šlájaid ja kulturárbečuozáhagaid suodjaleapmi maiddái eará guovlluin. Dorvvastit min bargguin luonddu máŋggahámatvuođa ja mis lea dehálaš rolla Suoma dálkkádatmihttomeriid fáhtemis. Eaktodáhtolaččat leat buresboahtán mielde bargui luonddu ávkin. Mis oaččot maiddái dieđuid, mo doaibmat luonddus vásttolaččat ja man doibmii dárbbaša lobi.
Luonddu máŋggahámatvuođa dorvvasteapmi
Dorvvastat luonddu máŋggahámatvuođa oppalaččat: dikšut eanemus áittavullosaš luonddutiippaid suodjalanguovlluin, dorvvastat luonddučuozáhagaid ja lasihat aktiivvalaččat mieskamuora lotnolasgeavahanvuvddiin, buoridat mearra- ja sisčáziid dili, suodjalat áittavullosaččamuš šlájaid sihke ordnet guollečáziid ja meahcivalji eallinbirrasiid.
Čitnaneutrálavuođa fáhtemis dehálaš rolla
Dálkkádatprográmmamet ovttastahttá čitnaneutrálavuođa fáhtema jagi 2035 rádjai. Lasihat čitnanjieluid ja -vuorkkáid ja buhtes energiija buvttadeami ja geahpedat bázahusaid. Viiddis suodjalanguovllut leat máŋggaid šlájaid dorvobáikkit dálkkádatnuppástusa áittedettiin eandalii árktalaš luonddu.
Suodjalanguovlluid fierpmádat
Riikamet suodjalanguovllut leat oassi riikkaidgaskasaš fierpmádagas, mii dorvvasta luonddu máŋggahámatvuođa ja man diškut plánema vuođul. Álbmotmeahcit ja máŋggat earát árvvolaš suodjalanguovllut leat buohkaide rabas vánddardanbáikkiid.
Lotnolasgeavahanvuvddiid birasdikšun
Luonddu máŋggahámatvuođa dorvvasteapmi ja ovddideapmi lea mihtilmas oassi Meahciráđđehusa vuovdedoalus. Birasdikšuma gehtet ovdána dutkamuššii vuođđuduvvan rávvagiid ja skuvlejumi bokte plánemii ja ollašuhttimii ja doaibmabijuid njuolggo birasváikkuhusaid čuovvumii.
Áittavullosaš šlájaide dorvu
Meahciráđđehusas lea ovddasvástádus máŋgga áittavullosaš šlája suodjaleamis. Ovtta šlája suodjaleamis ožžot ávkki maiddái eará šlájat, mat leat seammá birrasis. Luonddutiippaid suodjaleapmi lea dan dihtii dehálaš.
Luonddudikšun veahkeha
Earálágan dehálaš luonddutiippaid dikšot, vai daid luondduriggodat seaillošii.Ovddežiin dikšumiin máhcahat luonddu máŋggabealagabbon. Luonddudikšumii gullet vaikkoba njáskamat ja vierisšlájaid jávkadeamit.
Kulturárbbi gáhtten
Oinnolaččamus oassi Meahciráđđehusa dikšuma vuloš kulturárbi leat boares ráhkadusat ja dološbázahasat. Bajásdoallat ealli kulturárbbi ovttas earáiguin ee. máŋggalágan dáhpáhusain.
Árbebirrasat
Árbebirrasiin ovttastuvvet luonddu ja kulturárbbi fámolaš máŋggahámatvuohta. Bajásdoallamii dárbbašat maiddái šibitdoalliid ja eaktodáhtolaččaid veahki.