Meahciráđđehusa meahccebearráigeahčču lea vuosttas geardde čuvvon barggus bohtosiid reálaáiggis miehtá jagi. Ođđa vuogádat iktá, ahte 368 olbmo rihkko lága luonddus lihkadettiin ja 169 báhce gitta dárbbašlaš lobiid váiluma dihtii.
Meahccedárkkisteaddjit ja bearráigeahččit dárkkistedje stáhta guovlluin sulaid 10 000 luonddus lihkadeaddji jagi 2022 áigge. Sis stuorámus oassi ledje guolle- ja meahccebivdit, muhto meahccebearráigeahčču dárkkistii maiddái vánddardeaddjiid ja bearráigeahčai meahccejohtalusa.
Badjel čuođi dáhpáhusas bođii sáhkkoráŋggáštus, 44 rihkkumušsáhku ja 42 dáhpáhusas girjejedje rihkusalmmuhusa. Earáide bođii fuomášahttin.
– Meahccebearráigeahču dárbu lassána geažos áigge. Meahcce- ja guollebivddu ja vánddardeami bivnnuhisvuohta lea lassánan čielgasit maŋimuš jagiin, eaige buohkat muitte skáhppot dárbbašlaš lobiid dahje láhttet vásttolaččat, bivdodoallohoavda Jukka Bisi dadjá.
Meahccebearráigeahčus lei vuot ealaskeamos áigi geassit ja čakčat, goas bivdiid ja eará luonddus lihkadeaddjiid dárkkistedje mánnosaččat sulaid duhát. Geassit meahccebearráigeahčus lea hoahppu guollebivdiid ja vánddardeaddjiid dihtii, čakčat meahcásteaddjiid dihtii. Meahccebearráigeahčču dárkkistii sulaid 3100 guollebivdi dahje sin bivdosiid ja 3500 meahccebivdi.
Dárkilut dieđut bearráigeahčus ihtán ođđa ihtagiin čoggojuvvojit jahkásaš meahccebearráigeahččoraportii, mii almmustahtto álgojagi 2023.
Lassedieđut
Guvllolaš meahccedárkkisteaddjit (Eräluvat.fi)
Bivdodoallohoavda Jukka Bisi, Meahciráđđehus, 040 537 0993
Bivdodoallooaivámuš, Jussi Viitanen, Meahciráđđehus, 040 628 3017