Dearvvašvuođaluopmu, mas luonduge giitá – oza dál sávzaguođoheaddjin luonddučuozáhahkii

Ávkeváikkuhus guođoheaddjiide ja birrasa lundui lea čielggas máŋggain mihttáriid bokte. Vahkku luonddu guovdu buorida fysalaš ja vuoiŋŋalaš dearvvašvuođa. Ealliid láhttema čuovvun ja sávzzaid njávkan lotkkodahttá ja ložže vearrámusge streassa. Vahkku luonddus ja ealliiguin buoridan vuostálastinnávcca. Persovnnalaš buori lassin guođohanvahkuide oassálastán olbmot dahket vejolažžan historjjálaš dáluid árbevirolaš luonddudikšuma ja seammás luonddu máŋggahámatvuođa lassáneami.

Geasi 2018 sávzaguođoheaddjit ohccojuvvojit vuot. Ohcan guođoheaddjin álgá maŋŋebárgga 16.1. dmu 12 ja joatkašuvvá čuovvovaš maŋŋebárgii 23.1. dmu 12 rádjai. Sávzaguođoheaddjit vuorbáduvvojit guovvamánus daid gaskka, geat leat almmuhan beroštumis. Almmuhanskovvi rahppojuvvo 16.1. dmu 12. Sávza- ja gussaguođohanvahkuin berrojuvvo máksu. Mávssuin boahtán sisaboađut geavahuvvojit báikkiid bajásdoallamii ja luonddudikšuma goluide.

• Almmut guođoheaddjin (suomagillii) (https://link.webropolsurveys.com/S/CF27189325C7BE5F, rahppojuvvo 16.1.dmu 12:00)

Sávza- ja gussaguođohanvahkuin guođoheaddji sáhttá láigohit vahkkui doalu fiinna duovdagiid guovdu. Bonusan oažžu vejolašvuođa rájáhis ealliterapiijai njávkama gearjideaddji sávzzaid ja eanet iehčanas davvisuomagusaid luhtte. Guođoheaddjiid doaimmaide gullá lonuhit ealliide buhtes juhkančázi, čuovvut ealliid dili ja sirdit daid nuppi guohtumii dan mielde go dat guhtot. Ealliid lea buorre maiddái rehkenastit beaivválaččat, vai gárgidan ealliid lea vejolaš fáhtet. Doalu sturrodaga mielde guođoheaddji sáhttá váldit mielde bearrašis dahje ustibis guođohanskibirin.