Gilbbesjávrái plánejuvvo ođđa lávvaguovlu Sánajoga birrasii. Guvlui boađášii sihke fásta orrumii ja gávppálaš mátkkošteami atnui dárkkuhuvvon huksensajit. Fidnu ollašuhtto Eanodaga gieldda ja Meahciráđđehusa ovttasbargun.
”Gilbbesjávri lea erenoamáš guovlu ja fásta ássanvisttiid garra dárbui vástideapmi lea gildii dehálaš ášši. Hearkkes guovllu lávven galgá plánejuvvot fuolain buot geahččanguovlluid vuhtiiválddedettiin. Plánema vuolggasadjin lea sosiálalaš ja ekologalaš bissovašvuohta”, vd. gielddajođiheaddji Birgitta Eira kommentere.
”Meahciráđđehus háliida leat mielde bissovaš ja dorvvolaš mátkkoštanbálvalusaid vejolažžan dahkamis. Lávvemiin dahkat čovdosiid guhkes boahttevuhtii ja mii vuhtiiváldit das sihke luonddu ja duovddaárvvuid”, Meahciráđđehusa lávveninšenevra Tanja Hämäläinen dadjá.
”Mii háliidat bargat lávvema ovttas báikkálaččaiguin. Lávvenguovllu čađa johtá mohtorgielkágeinnodat, ja eret eará dan ođđasit linnjemii váldit millosit jurdagiid vuostá”, Meahciráđđehusa lávveninšenevra Juho Nurmela muitala.
Oassálastte láva plánemii
Lávvema lea dárkkuhus ollašuhttit nu rahpasit go vejolaš ja bargamin oassálažžan Gilbbesjávrilaččaid sihke eará čanusjoavkkuid.
Gilbbesjávrri skuvllas ordnejuvvo 13.6.2022 dii. 18 álbmotdilálašvuohta, mas gieldda ja Meahciráđđehusa ovddasteaddjit ovdanbuktet lávvafidnu. Ovdal dilálašvuođa lea oahpistuvvon tuvra eanadat guvlui gos lávven ollašuhtto. Vuolgga eanadatguvlui Gilbbesjávrri skuvllas dii 17. Dilálašvuođas gili ássiin lea vejolašvuohta váikkuhit láva plánemii. Ovddalgihtii álmmuheapmi ii dárbbašuvvo.
Vástideaddji buohkaide rabas dilálašvuohta ordnejuvvo 21.6.2022 dii. 17 gáiddusoktavuođain. Álmmut iežat dilálašvuhtii dás: https://forms.office.com/r/UgCBfVPShE
Dilálašvuođat leat suomagillii.
Goappáge dilálašvuhtii sáhttá sáddet gažaldagaid ovddalgihtii neahttaskoviin: https://forms.office.com/r/BkDgNNhPtE
Lassedieđut:
Eanageavahaninšenevra Kai Takkunen, Eanodaga gielda, kai.takkunen@enontekio.fi, tel. 040 571 6537
Lávveninšenevra Tanja Hämäläinen, Meahciráđđehus, tanja.hamalainen@metsa.fi, tel. 040 186 9339
Lávveninšenevra Juho Nurmela, Meahciráđđehus, juho.nurmela@metsa.fi, tel. 040 487 3732