Meahciráđđehusa guođohanvahkuid báikkiide ohce dán jagi oktiibuot 11 609 geardde, go mannan jagi dávisteaddji lohku lei 8483. Čohkkejuvvon ohcamis ledje juohkinláhkái oktiibuot 174 guođohanvahku 14 sierra guođohančuozáhagas.
Eanemus ohcciid beroštumi gesse Lappi ja Koli čuozáhagat, go fas Mearrabađa čuozáhahkii, mas lea dálkevárrejupmi, ledje unnimus ohccit. Guođohanvahkut vuorbáduvvojit beroštumi almmuhan ohcciid gaskkas ja ohcciide almmuhit bohtosiin guovvamánu áigge.
Duhát ohcci rádjá cuovkanii njealji čuozáhagas
Lappi ja Koli guođohančuozáhagat bokte eanemus beroštumi: Ohcejoga Jeagelveaji sámedállu (1052 ohcci), Leammi álbmotmeahci Gáppe-Jon dállu (1018 ohcci), Koli álbmotmeahci Lakkala dállu (1090 ohcci) ja Koli álbmotmeahci Seppälä dállu (1028 ohcci).
Eará čuozáhagaide ledje maiddái olu ohccit: Neitvuori Hiidenmaa dállu (873 ohcci), Kolovesi álbmotmeahci Huhtiniemi dállu (852 ohcci), Mátta-Guossáma Näränkä meahccedállu (808 ohcci), Pyhä-Häkki álbmotmeahcci (746 ohcci), Isojärvi álbmotmeahci Luutsaari láigostohpu (768 ohcci, Elimyssalo Leppävaara meahccefávtta dállu (746 ohcci), Oulujärvi Ärjänsaari (715 ohcci), Syöte álbmotmeahcci Rytivaara kruvnnameahccetoarpa (696 ohcci), Evo vánddardanguovllu Mustalahti toarpa (672 ohcci) ja Perämeri álbmotmeahci Guođohanstohpu, dálkevárrejupmi (493 ohcci).
Guođoheaddjit vuorbáduvvojit ohcciid gaskka ja ohcciide almmuhit vuorbádeami bohtosis guovvamánu 2019 loahpa rádjai.
Lappi geasuha ohcciid ain
Geasi guođohanvahkuin orrun Lappi meahcceguovlluin, historjjálaš čuozáhagain geasuha máŋgasiid. Árbevirolaččat dálveturismii profileren Lappi geasi áigge geasuhus ijahis ijain ja fiinna duottarluondduin lea máŋgga mielas geasuheaddji molssaeaktu eallámušlupmui. Maiddái mannan jagi ohcamis goalmmát oassi ohcciin ohce Lappi čuozáhagaide. Dán jagi álbmotmeahcceeanadagain beakkán Koli guhkes vánddardanmáđijaiguin lea earenoamáš bivnnut guođoheaddjiid gaskavuođas. Lassin dán jagi ohcamis ledje mielde guokte ođđa suolodatčuozáhaga: Oulujärvi Ärjänsaari ja Mearrabađa álbmotmeahci Pensaskari.
Guođohanvahkuin guođoheaddjit besset eallámušlupmui ja luondu oažžu dehálaš dikšuma
Guođohanvahkuid deháleamos dárkkuhus lea árvvolaš árbebiotohpaid dikšun ja máŋggahámatvuođa bajásdoallan, go sávzzat ja gusat leat buoremus suodjalanguovlluid árbeduovdaga divššárat. Guođoheapmi seailluha árbeduovdaga rabasin ja dorvvasta doppe dihtton šlájaid eallinbirrasiid.
Guođohanvahkuid konseapttas guođoheaddji láigoha dálu vahkkui alccesis. Bonusan leat eallit, maid ovddasvástádus lea Meahciráđđehusa Luonddubálvalusain. Juohke guođoheaddji oažžu vahku álggus rávvagiid ealliid buresbirgejumi čuovvumii ja guođoheaddjis lea vejolašvuohta bivdit veahki guođohanbargui oktavuođaolbmos. Vahkuin boahtán sisaboađut geavahuvvojit iešguđege čuozáhaga ja dan birrasa luonddusuodjalanguovllu dikšumii.
Lassidieđut guođohanvahkuin ja vuorbádeamis:
Bálvalanoaivámuš Joel Heino, eaktodáhtolašdoaimma koordináhtor, Meahciráđđehus Luonddubálvalusat
tel. 040 621 0673; Šleađgapoasta: joel.heino(at)metsa.fi (suomagillii)