Guovtti joga guolástanlobit manne badjel Ohcejogas meaddima dihtii mannan gease. Meahciráđđehus almmuhii áššis bearjadaga Ohcejoga gieldaguovdasaš ráđđádallangottis.
Meahciráđđehusa iežas dihtomearremearrádusa mielde Goahppelašjohkii oaččui mieđihit 20 lohpejándora ja Veahčajohkii 100 lohpejándora. Lohpevuovdinvuogádahkii boahtán olmmošlaš meaddima dihtii vuovdimassii bođii duppalmearri lohpejándorat.
Go jogat leat bivnnuhat, badjelmearálaš dihtomearri maiddái geavahuvvui.
Meaddin guoskkai olgobáikegoddelaččaide vuvdojuvvon jándorlobiid. Báikkálaččat guolásteaddjit leat sáhttán mannan giđa láhkanuppástusa maŋŋá lotnut iežaset gieldda johkabáikkiid gokčan hálbbes áigodatlobi, maid mearis ii leat dihtomearri.
Eará Davvi-Sámi guolástanbáikkiin vuogádat doaimmai riekta, eaige badjelmeare lobit lean.
–Dát lei hui váttis meaddin. Dilli Davvi-Sámis leamašan hearki mannan jagiid guolástanlága nuppástusa mielde. Sávvamis min meaddin ii billis dan buori ovttasbarggu, man Davvi-Sámis leat lihkostuvvan olahit, fuođđodoallohoavda Jukka Bisi Meahciráđđehusas muitala.
Bisi mielde Meahciráđđehus manná čađa lohpevuovdima válmmaštallamii gullevaš proseassaid, vai sullasaš ii boahttevuođas šat dáhpáhuva. Su mielas siskkáldas rávvagiid galgá dárkkálmahttit ja boahttevaš lohpemeriid sáhttá maiddái árvvoštallat ođđasit.
Čuovvovaččat Meahciráđđehus vuordá Luondduriggodatguovddáža čoahkkáigeasu geasi sálašstatistihkain ja lohpemeriin, main mielde maiddái dieđut eará čáhceeaiggádiin. Dán maŋŋá sáhttá árvvoštallat meaddima váikkuhusa boahtte jagi guollebivddu plánemii.
Lassidieđut:
Fuođđodoallohoavda Jukka Bisi, Meahciráđđehus, 040 537 0993
Kárta, Davvi-Sámi johkabáikkit. Dihtomeari badjelmannan guoská kárttas oidnon báikkiid Goahppelašjohka (1573) ja Veahčajohka (571). Kárta lea almmustahtton Meahciráđđehusa Tuikki-bláđis 2019.
