Meahciráđđehus ja Boliden Kevitsa Mining Oy leat dahkan soahpamuša, mii guoská Soađegili gielddas lean Kevitsa ruvkke gokčamii ávkkástallon čievra- ja moreanaguovlluid. Ruvkefitnodat lea čađahan BVÁ-proseassa ja Natura-árvvoštallama, main guorahalle eanaávdnasiid váldimii laktásan molssaeavttuid. Kevitsa ruvkeguovllus ii leat gokčamii heivvolaš moreana, man dihtii dan galgá skáhppot olggobealde.
“Ráđđádallon soahpamušoppalašvuohta guoská jagiid 2023-2035, maid áigge oalgegeađgelánat ja riggudahttinsáttoáldáid áigot deavdit moreanagerddiin. Ruvkke oalgegeađgelánaid deavdit muttuid mielde. Gokčanráhkadusbarggut álggahuvvojit jo doaimma áigge. Gokčamii dárbbašuvvon moreana mearri lea oktiibuot 8,9 milj.m³ ja gokčama vuollásaš guovlluid viidodat oktiibuot 640 hektára. Moreana boahtit váldit guđa sierra guovllus áigodaga áigge ja váldinguovlluid sturrodat lea badjelaš 500 hektára”, Meahciráđđehusa rogganávnnasoaivámuš Harri Saxlund muitala.
“Leat ságastallan váldinguovlluid ávkkástallamis doppe doaibman bálgosiiguin ja eará čanusjoavkkuiguin. Váldindoaimma oktavuođas guovllu geainnut buoriduvvojit, dalle dat bálvala maiddái vuovdedoalu ja eará geaidnogeavaheaddjiid dárbbuid, Saxlund gávnnaha.
“Ođasmuvvi fossiilafriddja energiija buvttadeami ja vurkema čovdosat ja johtalusa šleđgii sirdašuvvan gáibidit lasi ruvkeminerálaid dárbbu. Stáhta eana- ja čáhceguovlluid sáhttá guorahallat daid buvttadanbáikin dahje dán soahpamušas oaivvilduvvon váldinguovlun, go doaibma lea vásttolaš ja heiveheamis oktii eará guovllu geavahemiin” Saxlund joatká.
Kevitsa ruvkke buvttadanáigge gokčamii ávkkástallon moreanaváldinguovllut ordnejuvvojit váldima maŋŋá nu, ahte dohko gilvojuvvo beahceválddálaš seahkalašmuorat maŋŋedikšunplána mielde. Oassi ovddežiid dikšojuvvon guovlluin várrejuvvo jeagelšaddadangeahččaleami guovlun.
“Ruvkedoibmii gullá guovddáš oasseguovlun ruvkkiid vásttolaš gokčan ja maŋŋedikšun buoremus geavadagaid mielde. Boliden Kevitsa ruvkkes gokčan lea álggahuvvon muttuid mielde jo ruvkedoaimma áigge. Guovlu máhcahuvvo luonddubirasin eará eanageavaheami várás nu, ahte birrasa ja čázádagaid dilli bissu buorrin maiddái guhkes áigegaskka geahččančiegas”, muitala Johanna Holm, Boliden Kevitsa EHSQ hoavda.
Lassedieđut:
Meahciráđđehus, Giddodatovdáneapmi rogganávnnasoaivámuš Harri Saxlund, tel. 040 719 9080
Boliden Kevitsa, EHSQ hoavda Johanna Holm, tel. 040 664 0330