Meahciráđđehus lea almmustahttán máŋggahámatvuođa-, dásseárvo- ja ovttaveardásašvuođaplána jagiide 2023-2026. Plána mihttomearit ovddidit ON:id suvdilis ovdáneami mihttomeriid ollašuvvama ja eastadit ja láivudit bargoveaga, áššehasaid, guimmiid ja čanusjoavkkuid máŋggahámatvuhtii, dásseárvui ja ovttaveardásašvuhtii laktásan olmmošvuoigatvuođaváikkuhusaid.
Máŋggahámatvuođa-, dásseárvo- ja ovttaveardásašvuođaplána doaibmabijuiguin fáhtehallat ain máŋggabealagut bargoservoša, mas juohkehaš sáhttá leat barggus dorvvolaččat iežas indiviidan, almmá balu olggušteamis dahje heađušteamis persovnnalaš iešvuođaidis dahje oaiviliiddis dihtii. Plána lea joatkka jagiid 2019-2022 dásseárvo- ja ovttaveardásašvuođaplánii ja dan doaibmabijut leat oassi Meahciráđđehusa strategiijas ja vásttolašvuođas.
Materiála leat čoaggán girjjálaš stivrenáššegirjjiin, raporttain ja gažademiin sihke áššedovdijearahallamiin. Dáládili kártemis ja boahttevaš plána duogážin leat ávkkástallan bohtosiid earret eará ovddit jagiid áššehas- ja čanusjoavkodutkamušain, bargoveahkadutkamušain ja almmuhankanálain. Váldovástu plána gárvvisteamis leamašan bargogaskavuođaoaivámuččas, Riikka Tellas: “Diehtit min ovddidandárbbuideamet ja háliideimmet girjet dása plána gudneáŋgiris lávkkiid mihttomeriid fáhtema ovdii. Mihttomearrámet lea, ahte nu min bargit go Meahciráđđehusa olggobealege olbmot vásihit organisašuvdnamet dorvvolaš báikin bargat.” Tella gávnnaha.
25 % mihttomearri anonyma rekruteremii, dássebealát karriearabálgáid doarjun
Dán golmmajagiáigodaga áigge plána guovddážis leat máŋggahámat bargoservoša ovddideapmi, ovttaveardásašvuođa ja osolašvuođa lasiheapmi ja olggušteami jávkadeapmi bargoaddidoaimmas ja bálvalusain, mat leat čujuhuvvon áššehasaide, guimmiide ja čanusjoavkkuide. Plána sisttisdoallá ovddit plána mielde maiddái doaibmabijuid sápmelaččaid ovttaveardásašvuođa ovddideapmin Meahciráđđehusa bargoaddidoaimmas.
Meahciráđđehusa váldohoavda, Juha Niemelä lea duđavaš ásahuvvon mihttomeriide:
”Leat huksen mearrediđolaččat ovttaveardábut Meahciráđđehusa vai lotnut min bargovehkii ja čanusjoavkkuide addán lohpádusaid máŋggahámat, earáláganvuođa gudnejahttán ja áššehasvuđot Meahciráđđehusas. Dát lea ohpit stuorra lávki mátkkis mihttomeriideamet olaheapmin. Jáhkán, ahte dáid doaibmabijuid vehkiin šaddat ain eanet ovttaveardásaš ja máŋggahámat bargosadjin”.
Logut ja doaibmabidjobajideamit plánas:
- Ovddidat ovttaveardásaš jođihankultuvrra:
- Doarjut dássebealát karriearabálgáid sierraahkásaš ja earálágan duogážiin boahtán olbmuide.
- Jávkadat sohkabeale meroštallama ákkahis oktavuođain.
- Váldit vuhtii máŋggahámatvuođa áššehas- ja čanusjoavkoovttasbarggus.
- Sihkkarastit máŋggahámatvuođa rekruteremiiguin:
- Lasihat anonyma rekruterema oasi buot rekruteremiin 25 prosentii plánabaji áigge.
- Lasihat unnaovddastuvvon joavkkuid oasi bargoveagas 3 prosentii jagi 2026 rádjai.
- Fáhtehallat buot rekruteremiin 50/50 juohkášumi sohkabeliid gaskkas.
- Lasihat osolašvuođa ja minimaliseret olggušteami:
- Nannet ain válmmašvuođaid dovdat ja eastadit dieđekeahtes ovdagáttuid earáláganvuođa ja unnitloguid ektui.
- Buoridat eahpeáššálaš meannudeapmái seahkaneami dáidduid ja vuolidat šielmmá buktit ovdan heađuštan- ja olgguštanvásáhusaid.
- Nannet čehppodaga olahahttivuođa temáin.
- Ovddidat bálvalusaid easttahisvuođa áššehasaid dárbbuid mielde.
Beasat oahpásmuvvat ođđa máŋggahámatvuođa-, dásseárvo- ja ovttaveardásašvuođaplánii liŋkka duohken:
Metsähallituksen monimuotoisuus-, tasa-arvo- ja yhdenvertaisuussuunnitelma 2023–2026 (metsa.fi)
Lassedieđut:
Bargogaskavuođaoaivámuš Riikka Tella, Meahciráđđehus, riikka.tella@metsa.fi, tel. 040 747 6863
Váldohoavda Juha Niemelä, Meahciráđđehus, juha.niemela@metsa.fi, tel. 050 500 3681