Meahciráđđehusa Tuikki-bláđi spesiálanummiris lea sisdoallu suomagiela lassin davvisáme-, nuortalaš- ja anárašgillii.
Maiddái dán bláđi sáhttá lohkat Eräluvat.fi-siidduin.
Tuikki lea guollebivdobláđđi, mii juhkkojuvvo jahkásaččat Meahciráđđehusa guolástanáššehasaide. Tuikki vuosttas spesiálanummiris muitaluvvo, makkár guolástanlobiid aiddo Ohcejohkii, Anárii ja Eanodahkii oažžu boahttevuođas, go riikkabeaivvit nuppástuhtii guolástanlága.
Bláđđi sisttisdoallá reportášaid guollebivddus Sámis, muhto guovddáš sisdoallu gieđahallá lohpeođastusa. Davvi-Sámis gieldda olbmot sáhttet gaskavahku 22.5. rájes lotnugoahtit 40 euro áigodatlobiid, mat gokčet measta visot iežas gieldda johkaguovlluid. Ođđa lobi vuođđun lea riikkabeivviid mearrádus rievdadit guolástanlága. Jándorlobiid čuozáhagaid guovdu sáhttá skáhppogoahtit Eräluvat-neahttagávppis ja bálvalannummiris 020 69 2424 jo maŋŋebárgga 21.5. dmu 9.
– Háliideimmet, ahte ođđa diehtu lobiin livččii dál oažžumis iežas eatnigillii davvin nu máŋgasii go vejolaš. Dán jagi lea maiddái eamiálbmogiid gielaid jahki, muitala Tuikki váldodoaimmaheaddji Aku Ahlholm Meahciráđđehusas.
Tuikki-bláđi Sámi spesiálanummira preanttus lea 5 000 stuhka.Tuikki-bláđi riikkaviidosaš veršuvdna almmustahttui cuoŋománus. Bláđi preanttus lei 46 000 stuhka. Bláđđi lea lohkamis maiddái Eräluvat.fi-siidduin.
Lassidieđut (suomeksi)
Gulahallanoaivámuš Aku Ahlholm, Tuikki váldodoaimmaheaddji, Meahciráđđehus, 040 4814890