Meahciráđđehusa Luonddubálvalusat álggaha čilgehusa Hossa, Gilbbesjávrri, Seitseminen ja Teijo luondduguovddážiin luohpamis giđa 2025 áigge. Min ulbmilin lea gávdnat báikkálaččat doaibmi čovdosiid sihke aktiivvalaš doibmiid fállat bálvalusaid luondduvánddardeddjiide. Dasa lassin Liminganlahti luondduguovddáža eaiggáduššama boahtteáiggis ságastallojuvvo dan nuppi eaiggádiin, Liminka gielddain. Čilgehusa duogábealde leat áššehasaid dárbbuid earáhuvvamat ja stáhtahálddahusa ávkkálašvuohtaprográmma, man dihte stáhta doaibmit – maiddái Meahciráđđehusa Luonddubálvalusat – dahket seastindoaimmaid.
Meahciráđđehusa Luonddubálvalusat háliida dorvvastit áššehasaid vánddardanvejolašvuođaid sihke ovdánahttit iežas barggu dávistit vánddardeddjiid dálá dárbbuid, dego digitálalaš fierbme- ja mobiilabálvalusaid. Seammas Meahciráđđehusa Luonddubálvalusat dávista stáhta ávkkálašvuohtaprográmmii. Meahciráđđehusa álggaha čilgehusa viđa luondduguovddáža luohpamis ja doaimma ovdánahttimis dáin guovlluin.
Luonddubálvalusat manná bárrásiin čađa oba huksenvuođus. Ulbmilin lea gávdnat vugiid dan hálden sulaid 2 400 vistti eaiggáduššamis šaddan goluid unnideapmái. Unnon ruhta čujuhuvvo Luonddubálvalusaid váimmusdoaimmaide: stáhta suodjalanguovlluid dikšumii dehege ovddešteapmái ja šlájaid suodjaleapmái sihke vánddardanvejolašvuođaid fállamii Suoma sierra guovlluin.
Eará luondduguovddážiin doaibma joatkahuvvá doaisttážii dálá vuogi mielde. Maiddái dáid luondduguovddážiid boahtteáigái ohccojuvvojit ođđa molssaeavttut ovttas gielddaiguin ja eará Meahciráđđehusa guimmiiguin. Gustojeaddji soahpamušain luondduguovddážiin doaibmi fitnodatdolliiguin doalahuvvo ja sihkkarastojuvvo jotkkolašvuohta proseassa áigge.
“Mii háliidit čilget luondduguovddážiid boahtteáiggi ovttas gielddaiguin, fitnodatdolliiguin ja eará guimmiideametguin. Mii ohcat báikkálaččat doaibmi čovdosiid”, lohká luonddubálvalushoavda Henrik Jansson Meahciráđđehusas.
Stáhta ávkkálašvuohtaprográmma mieldásaš čuohppamat geahpidit jagi 2027 rájes Meahciráđđehusa Luonddubálvalusaid ruhtadeami sulaid 4,4 miljovnna euro jagi 2024 dásis. Luonddubálvalusat ráhkkana dihttojuvvon čuohppamiidda earret eará giddodagain luohpama bakte.
“Geahpedemiin visttiid eaiggáduššama goluid dorvvastit iežamet váimmusbarggu dehege luonddusuodjaleami ja vánddardeami meahccebálvalusaid. Dikšut máhtolaččat ja ámmátdáiddolaččat stáhta luonddusuodjalanguovlluid, dego álbmotmehciid sihke buvttadit áššehasaideamet nuvttá vánddardanbálvalusas”, Henrik Jansson gávnnaha.
Čielggadusa váikkuhusat gieđahallojuvvojit ovttas bargoveaga ovddasteaddjiiguin ovttasbargodoaibmalága nuppástusráđđádallamiin. Dál ii leat oidnosis dárbu unnidit bargoveaga.
Fáktágássa
- Jagi 2024 doaimmas ledje oktiibuot 19 luondduguovddáža dehe bálvalančuoggá. Luondduguovddážat fállet dieđuid luonddus, álbmotmehciin ja vánddardanvejolašvuođain. Dat doibmet maid oahpistan- ja bálvalančuokkisin. Dáin leat dábálaččat čájáhusat, luonddudiehtu, gárttat, geažidemiid johtolagain sihke vejolašvuohta oažžut áššedovdi oahpisteami.
- Oassi guovddážiin lea dál gitta daningo fitnodatdoalli váilu dehe doaibmá dábálaččatnai sesoŋŋalundosažžan.
- Meahciráđđehusa Luonddubálvalusat oažžu váldooasi ruhtadeamistis stáhtabušeahtas.
- Stáhta ávkkálašvuohtaprográmma čuohppamat geahpedit jagi 2027 rájes Meahciráđđehusa Luonddubálvalusaid ruhtadeami sulaid 4,4 miljovnna euro jagi 2024 dásis.
- Meahciráđđehusa Luonddubálvalusat ráhkkanii juo árabut seastimiidda áiggebále nu ahte plánii ja ordnii doaimmas seammas go ruhtadeapmi lea juo unnon. Ulbmilin lea sihkkarastit doaimma eavttuid guhkit áigge hárrái.
Oktavuohtaváldimat
- Samuli Sillman, +358 407 243 756, samuli.sillman@metsa.fi
- Luontoon.fi