Meahciráđđehusa Luonddubálvalusat lea bivdán bolesa dutkat, ahte gii dahje geat leat buktán bázahusaid Natura-guvlui Anára Mirhaneatnamii Anár-Bohkká geainnu lahka ja rihkkon bázahuslága.
Suopmelaččain lea earenoamáš luonddugaskavuohta, nu daddjojuvvo. Galmmihanskáhppe, bassaladdanmašiidna, boares sihkkelat ja mopedat, biilla suovvabohcci, biilarieggát ja eará bázahusat luonddus. Buot dát leat bálkestuvvon Anár-Bohkká geaidnogurrii sulaid 30×50 mehtera viidosaš guvlui. Dan veardde leat leamašan viššalat, ahte bázahusat leat dolvojuvvon eret geainnu alde johttiid oidnosis. Bázahusat leat guorahallama mielde fievrriduvvon dohko jagiid áigge, muhto maiddái áibbas maŋimuš jagiid áigge. Varraseamos bázahusat leat báikái buktojuvvon máŋggat ruovttudoallobázahusseahka.
Lágahis ruskabáiki lea Natura-guovllus ja luonddusuodjalanprográmmaguovllus Leammi álbmotmeahci ja Bátneduoddara meahcceguovllu gaskkas.
Guovllu hálddašeaddji, Meahciráđđehusa Luonddubálvalusat, lea dahkan áššis rihkusalmmuhusa. Bázahuslága mielde birrasii ii oaččo guođđit ruskkaid nu, ahte das šaddá čorgatmeahttunvuohta dahje eanadaga ropmun. Ruskkaid buktán galgá čorget nuoskkiduvvon guovllu.
Lassidieđut:
Meahciráđđehus, Luonddubálvalusat, Lappi, guovlluhoavda, Jyrki Tolonen, tel. 0400 388 609, jyrki.tolonen(at)metsa.fi
Lappi boleslágádus, dutkanhoavda Esa Harju, tel. 0295 466 009