Meahciráđđehus ođasmahttá čanusjoavkolobiid geavadaga. Eandalii nuvttá meahcástanlobiid birra leat ságastallan olu almmolašvuođas. Ođđa čanusjoavkolobit eai mieđihuvvo ovdalgo kritearat daid mieđiheapmái leat ođasmahtton.
Nuvttá čanusjoavkolobiid vuođđun lea máksoásahus (eana- ja meahccedoalloministeriija ásahus 1140/2021, 4§; finlex.fi) ja daid mihttomearrin láidestit čanusjoavkkuid stáhta meahcce- ja guollebivdoguovlluide. Oassi lobiin leat ovdal mieđihuvvon riikkaviidosažžan.
Maŋimuš logi jagi áigge riikkaviidosaš meahcástanlobi leat ožžon 203 olbmo. Jahkásaččat lobioažžut leamašan muhtun logit olbmot. Dábálaččat sii leamašan mearrádusdahkkit: politihkkarat ja virgeolbmot.
Sálašmáhcahaga vuođul hárve vuostáiváldi lea goittotge geavahan lobis. Ovdamearkan lobiid ožžon olbmuid joavkkus ovddeš ministarat Juha Sipilä, Petteri Orpo ja Jari Leppä muitalit, ahte eai leat goassige ávkkástallan čanusjoavkolobis. Sipilä dadjá, ahte ii leat diehtán dákkár lobi fámus leahkimis ja álo máksán ieš lobis. Maiddái Orpo muitala, ahte ii leat oktiige ávkkástallan lobis. Leppä muitalii jo almmolašvuhtii cuoŋománus, ahte ii leat goassige ávkkástallan čanusjoavkolobis, vaikke dakkár lea sutnje čállojuvvon.
– Dát muitala, ahte čanusjoavkovuogádat ii leat doaibmán, numo dat lea oaivvilduvvon. Lea dehálaš, ahte lobi ožžon mearrideaddjit ja sektorvirgeolbmot asttašedje oahpásmuvvat sierra báikkiide ja suopmelaš bivdokultuvrra geavadagaide, go sii láhkaásahanbarggus stivrejit doaibmasuorggi, Meahciráđđehusa bivdodoallohoavda Jukka Bisi muitala.
Son čohkke bargojoavkku, mii smiehttá čanusjoavkolobiid kritearaid ja vásttolaš geavadagaid ođđasit. Boahttevuođas lobiid galgá su mielas čujuhit dárkilut dihto áigái ja guvlui.
– Lassin galgá leat dáláža čielgasut, gii dárbbaša doaimmastis lobi. Laktásago bargi ovdamearkan fuođđo- ja guolleeallinbirrasiidda vai nállehálddašangažaldagade, Jukka Bisi dadjá.
Geavadagaid leat ođasmahttán ovdalge. Ovdamearkan fitnodateallima čanusjoavkolobiid mieđiheami leat ráddjen dušše ovttas galledemiide ja dihto dáhpáhusaide.
Maiddái Riektekanslerdoaimmahat (OKV) čielggada báráige čanuslohpegeavadaga dahkkojuvvon guoddaleami dihtii.
Riikkaviidosaš čanusjoavkolobi árvvu lea váttis rehkenastit, do dávisteaddji lobit eai leat vuovdimassii. Lobiin lea goittotge sálašearri. Čanusjoavkolobiin oažžu bivdit fuođđu seammá olu go 130 euro máksán áigodatlobiin.
Lassedieđut:
Bivdodoallohoavda Jukka Bisi, Meahciráđđehus, 040 537 0993
Gulahallanoaivámuš Aku Ahlholm, Meahciráđđehusa bivdobálvalusat, 040 4814890 (jearahallanbivdagat)
Alladárkkisteaddji Ahti Putaala, Meahciráđđehus, 040 8272574 (čanusjoavkolobiid mearit)
ovdanamma.sohkanamma@metsa.fi