Meahciráđđehus lea čatnasan bargat konkrehtalaččat geahpedan dihtii rasismma ja vealaheami. Mii leat bargan gillilit ovddidan dihtii ovttaveardásabbo, girját ja inklusiivvalabbo bargoservoša. “Hállat daguid bokte” (Puhumme teoin)-rasismmavuostásaš kampánjii searvan lea čielga joatkka bargui, mii lea juo dahkkon.
”Hállat daguid bokte” -kampánja hástala servodaga iešguđet doaibmiid bargat konkrehtalaččat jávkadan dihtii rasismma ja ovddidan dihtii ovttaveardásašvuođa. Mii háliidit, ahte guđege olmmoš dustejuvvo dásseárvosaččat ja gudnejahttojuvvo. Meahciráđđehus gávnnaha, ahte lea hui vuogas, go viidát servodaga iešguđet doaibmit leat hástaluvvon mielde bargat rasismma vuostá. Ovttas mii sáhttit hukset servodaga, gos juohkehaš sáhttá dovdat iežas oadjebassan ja ahte son adnojuvvo árvvus.
Meahciráđđehusa bargiidhoavda Riikka Tella deattuha, man dehálaččat olmmošvuoigatvuođat leat: “Mii bargat aktiivvalaččat ain girját bargoservoša ovdii, mas juohkehaš sáhttá leat barggus dorvvolaččat dat gii individuálalaččat lea. Mii váldit doaimmaineamet vuhtii maid guovllu álgoálbmoga, daningo 90 proseantta sámiid ruovttuguovllus leat stáhta eatnamat, maid Meahciráđđehus hálddaša. Midjiide lea dehálaš, ahte sámiin lea vuoigatvuohta doalahit ja ovddidit iežaset giela ja kultuvrra.”
Oassin “Hállat daguiguin ” –kampánjjas, Meahciráđđehus čatnasa čuovvovaš doaibmabijuide:
- Mii ollašuhttit girjáivuođa-, dásseárvo- ja ovttaveardásašvuođaplánamet doaibmabijuid ja čuovvut ollašuvvama jahkásaččat.
- Mii lasihit anonyma rekryterema buot rekryteremiin 25 % plánenáigodagas.
- Mii čáhkadit girjáivuođa-, dásseárvo- ja ovttaveardásašvuođageahččanguovlluid Meahciráđđehusa ovdaolmmošbargui ja dan ovddideapmái.
- Mii álkidahttit eahpeáššálaš meannudeami ovdanbuktima.
- Mii ovddidit min gulahallama juvssahahttivuođa ja ovttaveardásašvuođa.
- Mii ovddidit sámiid ja sámegielalaččaid vejolašvuođaid oažžut barggu Meahciráđđehusas.
- Mii váldit atnui dorvvolaš saji prinsihpaid
- Dorvvolaš sadji mearkkaša birrasa, gos olbmot sáhttet dovdat sis lea dorvvolaš dilli, sii gudnejahttojuvvojit ja gullojuvvojit. Dorvvolaš sajis gudnejahttojuvvo guđege indiviidda vuoigatvuohta leat dat gii lea, iige dohkkejuvvo vealaheapmi, rasisma dahje eahpeáššálaš meannudeapmi.
- Mii sihkkarastit prinsihpaid ollašuvvama earret eará rávvema ja skuvlejumiid bokte.
- Mii ovddidit prinsihpaid ollašuvvama maid áššehasaiguin ja čanasjoavkkuiguin.
Meahciráđđehus lea ovddidan ovttaveardásašvuođa doaimmaidisguin earret eará váldimiin atnui “jokaisenoikeudet”-doahpaga (juohkeolbmorievttit) gulahallamisttis ja nuppástuhttimiin ámmátnamahusaid sohkabealleneutrála hápmái. Sánit váikkuhit min jurddašeapmái, ja mii háliidit leat mielde ovddideamen dásseárvvu ollašuvvama.
Olmmošvuoigatvuođat gullet buohkaide ja dat leat fámus seammaláganin juohke sajis. Mii ovddidit Meahciráđđehusas girjáivuođa, dásseárvvu ja ovttaveardásašvuođa sierra plána bokte. Čatnasumisteamet mii čalmmustahttit plánamet ollašuhttinvuloš doaibmabijuid ovddidan dihtii ovttaveardásašvuođa, dásseárvvu ja girjáivuođa bargoeallimis. Mii bargat dan ovdii, ahte mis lea girjás bargosearvvuš, mas guđege olmmoš sáhttá leat barggus dorvvolaččat dat gii individuálalaččat lea, iige dárbbaš ballat vealaheamis dahje heađušteamis persovnnalaš iešvuođaidis dahje oaiviliiddis dihtii.
Lassidieđut:
Gulahallanhoavda Liina Aulin, tlf. 040 770 9400, liina.aulin(at)metsa.fi
Bargiidhoavda Riikka Tella, tlf. 040 747 6863, riikka.tella(at)metsa.fi