Dieđáhus, friddja almmustahttit du 31.10.2019 dmu 6.00
Meahciráđđehusa ođđa dásseárvo- ja ovttaveardásašvuođaplána lea eanet gokčevaš lágas mearriduvvon plána. Plánain Meahciráđđehus ovddida ovttaveardásašvuođa ja jávkada olggušteami. Meahciráđđehusas barget sulaid 1 200 sierra surggiid áššedovdit. Áššehasaid, čanusjoavkkuid ja guimmiid lohkomearri lea viiddis. Dál dahkkojuvvon ođastusat buoridit duháhiid olbmuid bargoeallima ja vel eanebuid lustaáiggi.
Meahciráđđehusa dásseárvo- ja ovttaveardásašvuođaplána juohkása golmma oassesuorgái: ovttaveardásašvuođa ovddideapmi Meahciráđđehusa bargoaddidoaimmas, bálvalusain ja doaimmat sápmelaččaid ovttaveardásašvuođa dorvvasteapmin. Plánain árvvoštallet dálá dili dahjege dan, mo dásseárvu ja ovttaveardásašvuohta ollašuvvá Meahciráđđehusa bargoveaga siste ja doaimmas muđuige. Plánas meroštallet, mo Meahciráđđehus boahttevuođas earuha, seahkana ja ovddalgihtii eastada olggušteami ja ovddida ovttaveardásaš meannudeami ja sohkabeliid dásseárvvu.
Dásseárvo- ja ovttaveardásašvuođaplána ollašuhttá Meahciráđđehusa vásttolašvuođaprográmma ja dárkilmasta bealistis giđđat almmustahtton doaibmavuohkerávvaga. Plánain sihkkarasto, ahte vásttolašvuođapolitihka linnjemat riikkaidgaskasaš vásttolašvuođa rávvagiin ja vuođđojurdagiin, dego ON:id Suvdilis ovdáneami doaibmaprográmmas (Agenda 2030) sihke ON:id fitnodagaide ja olbmuide guoskevaš vuođđojurdagiin, ollašuvvet maiddái Meahciráđđehusa doaimmas. Plána gárvvistii bargoveagas čohkkejuvvon bargojoavku. Plána lea dahkkon áigodahkii 2019-2022 ja dan ollašuhttima ja čuovvuma ovddasvástádusaid leat juohkán.
Ovttaveardásašvuođa ovddideapmi Meahciráđđehusa bargoaddidoaimmas
Meahciráđđehusas lea álggahuvvon bálkákárten. Dat dahkko ođđalágan lahkonanvugiin, vai vejolaš bálkkáid ákkastalakeahtes earut bohtet oidnosii.
Mearreáigásaš bargiid ovttaveardásaš beassan bargogaskavuođaovdduid biirii buoriduvvo. Ovdamearkan bargogaskavuođaovdun lean ePassi viiddiduvvo boahttevuođas maiddái mearreáigásaš bargui ávkkástallamii.
Bargoservoša máŋggahámatvuođa lasiheami doarjut earret eará anonyma rekryteremiin. Barggu ja eará eallima oktiiheiveheami hástalusaide vástidit ovdamearkan gáiddusbargogeavadagaid ovddidemiin ja bargoáigesoddjilvuođain, maiddai ođđa bargoáigeláhka boahtá addit eanet vejolašvuođaid go dál.
Meahciráđđehusas lea nollatoleránsa heađušteapmái. Heađušteapmái seahkaneami rávvagiid ja meannudeami ovddidit ain. Utnolaš ja nuppiid gudnejahttán hállanvuogi ovddidit Meahciráđđehusa siste ja maiddái vuorrováikkuhusas čanusjoavkkuiguin.
Hoavdahárjehusat leat okta guovddáš vuohki váikkuhit jođiheami ja hoavdabarggu dássebealálašvuhtii ja oktilašvuođa ja ehtalaš doaibmavugiid nannemii organisašuvnnas.
Ovddidandoaimmaid plánemis ávkkástalle bargovehkii dahkkon dásseárvo- ja ovttaveardásašvuođakártema. Sullii bealli bargoveagas vástidii kártemii.
Ovttaveardásašvuođa ovddideapmi Meahciráđđehusa bálvalusain
Easttahis lihkadeami buorideapmin Meahciráđđehusa álbmotčuozáhagain leat dahkan olu barggu. Easttahisvuođa ovddidit boahttevuođas sihke álbmotčuozáhagain ja doaibmasajiin.
Meahciráđđehusa neahttasiiddut beaivvadahttojuvvojit čuovvut fáhtehahttivuođagáibádusaid 23.9.2020 rádjai, mobiilasiiddut 23.6.2021 rádjai. Neahttasiidduin váldo vuhtii luohtehahttivuohta šearbmalohkkaprográmmain, videoid teksten ja bláđenvejolašvuohta tabuláhtoriin almmá sáhpána.
Oassálasti proseassaid rabasvuohta ja gulahallan ovddiduvvo ja daidda oassálastán dialogadáiddut nannejuvvojit. Plánabargojoavkkuid máŋggahámatvuođa lasiheapmái sáhttá Meahciráđđehus váikkuhit lagamustá iežas bargoveaga bokte, go čanusjoavkoorganisašuvnnat nammadit ieža iežaset áššedovdiid plánenprosessii. Proseassain eai dáhtokeahttáge hálit doarjut dásseárvvohis geavadagaid.
Meahciráđđehusa oassálasti plánema ovttaveardásašvuohta čielggaduvvui sihke guoibme- ja čanusjoavkodutkamuša bohtosiiguin ja oahppočájánasbargguin.
Doaimmat sápmelaččaid ovttaveardásašvuođa dorvvasteapmin
Meahciráđđehusas lasihit bargoveaga dieđu sámiid kultuvrras ja vuoigatvuođain. Eandalii sámiid ruovttuguovllus dahje sámeáššiiguin bargan bargoveaga movttiidahttet sámegiela oahpuide ja doarjut giellaskuvlejumi vejolašvuođaid mielde. Duođalaš ovttaveardásašvuođa ollašuvvama dorvvasteapmin sáhttit rekryterendiliin ávkkástallat positiivva sierrameannudeami.
Meahciráđđehusa ja sámedikki ovttas gárvvistan Akwé: Kon –doaibmamálle doaibman čuvvojuvvo ja málle ovddiduvvo dárbbu mielde. Sámiid ruovttuguovllu vuovdebálgosiid ja Meahciráđđehusa Vuovdedoallu Os vuorrováikkuhus buoriduvvo.
Meahciráđđehus ovddida ovttasbarggus Sámedikkiin čuovvunvuogádaga daidda sámekultuvrra hárjeheami eavttuid buoridan doaimmaide, main leat mearridan sámiid ruovttuguovllu guovddáš proseassain ja plánain.
Sápmelaččaid guoskevaš sisdoalu oasis plánas lea gevvojuvvon lágas mearriduvvon 9 §:a ráđđádallan Sámedikkiin.
Meahciráđđehus buktá ovdan stuorra dásseárvo- ja ovttaveardásašvuođaplánas Meahccebeivviin Helssega Clarion-hotealla Tallberg-sáles duorastaga 31.10.2019 dmu 11.00-12.00.
Lassidieđut:
Terhi Vires, bargoveahkahoavda, Meahciráđđehus, tel. 040 8319 542, terhi.vires(at)metsa.fi
Terhi Koipijärvi, gulahallanhoavda, Meahciráđđehus, tel. 050 5989 958, terhi.koipijarvi(at)metsa.fi