Eana- ja meahccedoalloministeriija ohcá Meahciráđđehussii ođđa bivdodoallohoavdda. Báiki luovvana borgemánus, go dálá virgehálddašeaddji Jukka Bisi báhcá ealáhahkii. Bivdodoallohoavdda virgi lea ohcan láhkai 23. guovvamánu dmu 12 rádjai.
Bivdodoallohoavda čoavdá lága mielde meahcástan- ja guolástanáššiide ja bivdobearráigehččui gullevaš gažaldagaid stáhta viidodagain. Bivdodoallohoavda mearrida earret eará Meahcástan- ja guolástandihtomeriin ja čoavdá vuigengáibádusaid, maid riikkavuložat guđđet lohpemearrádusain.
– Dáinna virggiin dorvvastat buohkaide vejolašvuođa meahccebivdimii ja nuppe dáfus fuolahat das, ahte dat lea suvdilis. Virgeoapmahašdoaimma ja buori hálddahusa vuođđojurdagat galget leat cieggan njulgestaga gállovuđđui, dálá bivdodoallohoavda Jukka Bisi dadjá.
Bivddu bivnnutvuohta lea stuorrumin. Meahciráđđehus vuovdá jahkásaččat sulaid 200 000 meahcástan- ja guolástanlobi stáhta viidodagaide. Jearru livččii eanetge, muhto meahccebivddu boahttevuohta dorvvastuvvo dihtomeriiguin. Lassin Meahciráđđehus čoaggá 280 000 stáhta guolleváriiddikšunmávssu eana- ja meahccedoalloministeriijai. Bivdobearráigeahčču dárkkista jahkásaččat sulaid 10 000 meahccebivdi dahje luonddus lihkadeaddji.
Buot dát bargu dahkko Meahciráđđehusa Bivdobálvalusat-vástosuorggis, man bivdodoallohoavda jođiha. Bivdobálvalusain barget dál 70 olbmo. Sin joavkkus leat earret eará meahcásteami, guolásteami, gulahallama ja bivdolobiid áššedovdit ja bivdobearráigeahččit. Bivdobálvalusat bajásdoallá Eräluvat.fi-bálvalusa, mas leat juo badjel miljonbeale registrerejuvvon geavaheaddji.
Eana- ja meahccedoalloministeriijas deattuhitge bivdodoallohoavdda virggi mearkkašumi suopmelaš meahccebivdui ja suvdilis luondduáigeádjái.
– Dát lea várdobáiki hui miellagiddevaš ja dehálaš doaibmaoppalašvuhtii. Bivdodoallohoavddas galgá leat vásáhus bargoveahkajođiheamis ja fierpmádagaid jođiheamis, strategalaš oaidnu meahccebivdoáššiid ovddideamis ja nákca ođasmahttit doaimma, meahcceráđđi Erno Järvinen eana- ja meahccedoalloministeriijas muitala.
Lassedieđut:
Meahcceráđđi Erno Järvinen, eana- ja meahccedoalloministeriija, 0295 162 150, ovdanamma.sohkanamma@gov.fi
Bivdodoallohoavda Jukka Bisi, Meahciráđđehus, 040 537 0993, ovdanamma.sohkanamma@metsa.fi