Meahciráđđehus lea ollašuhttán juohke giđa čuvččáid gihkansajiid dárkkástusaid stáhta lotnolasgeavahanvuvddiin. Olles riikka gokčevaš dárkkástusat leat gihkamiid ovdáneami mielde máddin davás. Riikkaviidosaččat stáhta eatnamiin leat oktiibuot sulaid 2 500 báikediehtovuogádahkii merkejuvvon čuvččá gihkansaji, main sulaid viđadas válljejuvvon dárkkástusčuozáhahkan jahkásaččat. Mihttomearrin lea čuovvut vuovdedoalu váikkuhusaid čuvččá gihkansajiid seailumis.
Meahciráđđehussii sáhttá dahkat almmuhusaid vejolaš gihkansajiin
Galgá leat jođus jo iđitija, jus áigi oaidnit gihkamiid. Vuogas dálkin gihkama sáhttá oaidnit vel iđitbeaivvege. Vuovdeáššedovdit lihkadit dárkkástusain vácci, sabehiiguin dahje mohtorgielkkáin. Meahciráđđehus váldá vuostá maiddái priváhta olbmuid dahkan áicandieđuid gihkansajiin.
Dálá gihkansajiid lassin vuovdeáššedovdit leat dán giđage gávdnan ođđa gihkansajiid ja gávnnahan boares gihkansajiid sirdáseami. Meahciráđđehus vurke geassemánu beallemuttu rádjai gihkansajiid dárkkástusbohtosiid vuogádahkii. Gihkansajiid sajádatdieđut eai leat almmolaččat.
Čukčá gáibida suhkkes vuovddi
Čukčá gullá Meahciráđđehusa lotnolasgeavahanvuvddiid eandalii dehálaš šlájaide ja dán sivas čuvččá gihkansajiid dikšumis lea earenoamášsajádat fuođđu eallinbirrasiid dikšumis. Mihttomearrin lea seailluhit čukčánáliid stáhta lotnolasgeavahanvuvddiin vuovdedoalu birasdikšumiin ja fuođđodoalu dikšumiin ealaskassan.
Čukčá lea vuogáiduvvi ja dohkkeha lotnolasgeavahanvuvddiid iežas eallinbirasin. Čukčá liiko boarrásut vuvddiin, muhto daid sáhttá deaivat maiddái šaddadanvuvddiin. Vuovdedoalu doaimman deaŧaleamos lea seailluhit vuovddi suohkatvuođa ja čuvččá čalmmi allodagas mihttomearri oinnolašvuođa gieddedásis 20-70 mehterii. Aitosaš gihkansajis galggašedje leat vuvddiin gokčan oktavuođat sierra guovlluide gihkansaji beaiveguovlluide. Doaibmarávvagat leat girjejuvvon Meahciráđđehusa birasofelažžii.
Lassedieđut:
Vuovdedoalu birasofelaš neahtas: www.metsa.fi/yopas
Lappi:
Birasáššedovdi Piia Siirtola, Meahciráđđehus Vuovdedoallu Os, piia.siirtola@metsa.fi, t. 0406211142
Nurmes:
Guovlluoaivámuš Niko Korhonen, t. 040 727 1310
Lieksa:
Guovlluoaivámuš Antti Saari, t. 040 630 0279
Jávre-Suopma:
Guovlluoaivámuš Jouko Haatainen, t. 040 669 2740
Gaska-Suopma:
Guovlluoaivámuš Rami Mäkelä, t. 0400 132 141
Oarje-Suopma:
Guovlluoaivámuš Ilkka Korhonen, t. 0400 291 145
Suomussalmi:
Guovlluoaivámuš Ulla Lehtonen, t. 040 753 7372
Kuhmo:
Guovlluoaivámuš Jussi Moilanen, t. 040 586 3618
Oarje-Kainuu:
Guovlluoaivámuš Ahti Juntunen, t. 0400 344 319
Koillismaa:
Guovlluoaivámuš Rami Nissema, t. 040 843 0666
Keski-Pohja:
Guovlluoaivámuš Petteri Arovainio, t. 0400 65360
