Meahciráđđehusa guođohanvahkuid geasi 2020 almmuheapmi álgá odne. Beroštuvvan olbmot sáhttet ohcat vásihit agimuittolaš guođohanvahku fiinna dovdduid láigobarttain álbmotmeahci dahje eará suodjalanguovllu luonddučáppa eanadagas. Guođohanvahkut leat dahku luonddu máŋggahámatvuođa buorrin.
Dál ohcat geasi 2020 guođoheaddjiid. Ohcan guođoheaddjin álgá gaskavahku 15.1.2020 dmu 12 ja joatkašuvvá čuovvovaš gaskavahkkui 22.1. dmu 12 rádjái. Guođoheamis beroštuvvan olbmuide leat válljemis sin nieguid báiki oktiibuot 15 molssaeavttus.
Davimus guođohanbáiki lea Ohcejogas, Deatnogáttis ja máttimus Hämes, Evo vánddardanguovllus. Áibbas ođđa urbána guođohanbáikin lea fállojuvvon Punkaharju. Buollinfávtta dállu lea Punkaharju álbmoteanadaga ađđamis, muhto seammás Punkaharju čoahkkebáikki bálvalusat leat vázzinmátkki duohken. Dát spiehkkasa eará báikkiin go lea eanadatdikšun- ja kulturárbebáiki.
Guođoheaddjit vuorbáduvvojit almmuheaddjiid gaskkas guovvamánu áigge. Guođohanvahkut leat mávssu vuollásaččat. Mávssuin boahtán sisaboađut ávkkástallojuvvojit báikkiid bajásdoallamii ja luonddudikšuma goluide.
Almmut iežat guođoheaddjin: https://link.webropolsurveys.com/S/8DB4D650F88FCED7 (suomagillii)
Oasis báikkiin guođoheaddjiid vurdet sávzzat, mat gáibidit gazzuma, oasis fas eanet iehčanas suomagusaid joavku. Koli guođohanbáikkiin sáhttá guođoheaddjiin leat boahtte gease vejolaš beassat maiddái dikšut heasttaid. Guođoheaddjiid doaimmaide gullá molsut ealliide buhtes juhkančázi, čuovvut ealliid dili ja sirdit daid guhttojuvvon láidomis nubbái. Ealliid berre maiddái rehkenastit beaivválaččat, vai vejolaš gárgidan eallit fáhtejuvvojit.
Doalu sturrodaga mielde guođoheaddji sáhttá váldit fárrui bearrašis dahje ustibis guođohanskibirin.
Ávki lundui, buresbirgejupmi olbmui
Ealliid guohtumat leat Punkaharju vuhtii válddekeahttá áittavuloš árbebirrasat. Go eallit borret dábáleamos ja gilvvohallamis buorebut birgen šattuid, dahket dat seammás saji hárvenaš niitošattuide. Almmá guođoheami niittut šattašedje gitta ja máŋggat čáppa ja hárvenaš šattut eai birgešii gilvvohallamis. Guođoheapmi rigguda luonddu máŋggahámatvuođa. Punkaharju báikkis lea eará báikkiid ektui sáhka eanadatdikšumis ja kulturárbbi suodjaleamis.
Guođohanvahkut buktet máŋggalágan ávkkiid guođoheaddjái ja birrasa lundui. Vahkku luonddus ja ealliiguin buorida vuostálastinnávcca ja láivuda streassa. Guođohanvahkuide oassálastán olbmot dahket vejolažžan árvvolaš kulturárbebáikkiid, árbevirolaš luonddudikšuma ja luonddu máŋggahámatvuođa seailluheami.
- Sávzaguođohanbáikkit ja báikkiid ovdanbuktimat: www.luontoon.fi/vapaaehtoistoiminta/paimenviikot
Lassidieđut:
Hannele Kytö, Meahciráđđehusa Luonddubálvalusat, hannele.kyto(at)metsa.fi, t. 040 1849709