Lappi ruški lea guhká geasuhan eandalii vuorrasut vánddardeaddjiid, muhto maŋimuš jagiid luonddus johtet ain eanet nuorat. Maiddái sihkkelastinturismma bivnnuhisvuohta lassána ja lassána.
Čakča álgá Lappi álbmotmehciin vuordi ja movttiidan dovdduiguin.
– Korona ja olahusjagiid maŋŋá lea nuppe dáfus váttis einnostit boahttevaš sesoŋŋa háltti, muhto miehtemielalaš gávnnaheapmi lea ođđa turistajoavkkuid ruškevánddardeapmi. Árbevirolaččat ruškevánddardeapmi leamašan vuorrasut nissonolbmuid miela mielde, muhto dál álbmotmehciide leat boahtán maiddái nuorabut vánddardeaddjit. Álbmotmeahcis maiddái lihkadit vázzima lassin ain eanet sihkkeliin”, muitala Bállás-Ylläsduoddara álbmotmeahci áššehasrávvejeaddji Mikko Huotari.
Álbmotmehciide šihttet vánddardeaddjit ja sihkkelastit – Meahciráđđehus ordne oahpásmuvvandilálašvuođaid sihkkelastimii
Go lihkadanvuogit álbmotmehciin rivdet, vánddardeaddjit galget vuogáiduvvat dasa, ahte buohkat eai leat jođus dušše vácci.
– Álbmotmehciin lea sadji. Guovllus lea vejolaš lihkadit soabalaččat ja earálágan lihkadanvuogit leat bures heiveheamis oktii, go beare vuos ovdal tuvrii vuolgima oahpásmuvvat rávvagiidda ja muittuhat etikeahta millii, Huotari dadjá.
Meahciráđđehus háliida duvdit maiddái árbevirolaččat vácci johtán vánddardeaddjiid geahččalit luonddus lihkadeami sihkkeliin.
Bállás-Ylläsduoddara álbmotmeahcci ordne čakčamánu áigge meahccesihkkelastimii oahpásmuvvanbeivviid, main lea vuollegis šielbmá geahččalit sihkkelastima álbmotmeahci guovllus. Dáhpáhusain leat báikki alde Meahciráđđehusa ovddasteaddjit hálešteamis rušketuristtaiguin ee. sihkkelastimis, oktasašmáđijain ja meahccesihkkelastinetikeahtas. Dáhpáhusguossit besset geahččalit šleađgasihkkelastima.
Meahciráđđehusa lassin báikki alde leat Visit Ylläs ovddasteaddjit ja Ylläs Birrajahkásažžan (Ylläs Ympärivuotiseksi) -fidnu prošeaktaoaivámuš.
Vánddardeaddji sáhttá deaivat luonddus vánddardanetikeahtas muittuheaddji Meahciráđđehusa áššehasrávvejeaddji
Go ruškevánddardeaddjiid joavkkus leat ođđa olbmot, Meahciráđđehus háliida doalahit vánddardanetikeahttarávvagiid vánddardeaddjiid mielas. Áššehasrávvejeaddjit lávkejit dán čavčča luondduguovddážiin lundui vánddardeaddjiid lusa ja láidejit álbmotmehciin ja luonddumehciin lihkadeaddjiid vánddardit nuppiid olbmuid ja luonddu gudnejahttimiin.
Meahciráđđehus ordne Levi guovddážis vánddardanetikeahtta-lounge, mas lea vejolaš ságastallat álbmotmeahci vejolašvuođain, máđijain, rávvagiin ja njuolggadusain vánddardanetikeahttatemá bokte. Báikki alde leat Meahciráđđehusa vánddardanetikeahtta-ambassádat. Guossit sáhttet seammás geahččalit iežaset vánddardanetikeahttadieđu Vánddardanetikeahtta-spealuin. Loungei boahtá maiddái báikkálaš Campfire-barista guossohit njálgga niestebuktagiid.
Vánddardanetikeahta lassin háliidat bajidit Heahttá-Bálláš –máđija rievdama ruskkahis máđidjan boahtte jagi rájes. Vánddardeaddjiide dát nuppástus oidno ruskalihtiid jávkama bokte máđija guoras.
Lassedieđut ja dárkilut dáhpáhusdieđut:
Áššehasbálvalusa luonddus lea vejolaš beassat čuovvut Bállás-Ylläsduoddara álbmotmeahci ja Urho Kekkonen álbmotmeahci guovlluin. Áššis beroštuvvan olbmot sáhttet leat oktavuođas Bállás-Ylläsduoddara áššehasrávvejeaddji Mikko Huotarii (mikko.a.huotari@metsa.fi, +358402530028) dahje UK-meahci Leena Leppäläi (leena.leppala@metsa.fi, +358404824426). Mikko Huotari lea maiddái Malla luonddumeahcis láidesteamen vánddardeaddjiid 6.–8.9.2022.
- Dáhpáhus: Álbmotmeahcci Levi guossin – Lotkes ságastallan Vánddardanetikeahtta-loungessa
- Áigi: Ga 14.9.2022 & ga 21.9.2022 dmu 11:00-15:00
- Báiki: Levi, Levin toarga
- Lassedieđut dáhpáhusas (tapahtumat.luontoon.fi/hae-tapahtumia/975)
- Dáhpáhus: Oahpásmuvvanbeaivi sihkkelastimii álbmotmeahci oktasašmáđijain
- Áigi: Be 16.9.2022 & be 23.9.2022 dmu 11–1
- Báiki: Ylläs, Kesänkijärvi lávvu
- Lassedieđut dáhpáhusas (tapahtumat.luontoon.fi/hae-tapahtumia/977)
- Bállás–Ylläsduoddara álbmotmeahcci (lundui.fi)
- Vánddardanetikeahtta (lundui.fi) Viidát válddáhallan suomagielat siidduin