Salla álbmotmeahci rahpandoaluid ávvudit 11.6.2022 diibmu 10 rájes Salla luondduguovddážis. Olgun ordnejuvvon dáhpáhus lea lotkes, aktiivvalaš, buohkaide rabas álbmotdáhpáhus. Rahpandoaluin leat mielde maiddái stuorra joavku guovllu fitnodatdoallit, searvvit ja eará doaibmit. Rahpanbeaivvi čohkkan lea Pekka Käpi ja K:H:H.L:a folkrock-konsearta. Lávdeprográmma láidesteaddjin lea Kerttu Kotakorpi.
Dáhpáhusrikkis beaivvi áigge guossit besset oahpásmuvvat Suoma 41. álbmotmeahccái ja Salla guvlui máŋggabealat prográmma mielde. Lagašlundui bohtet vázzin láhkai máŋggat sierra guhkkosaš vázzinbálgát temáiguin, maid guoras lea doaibma, dáidda ja lundui, vánddardeapmái ja buresveadjimii laktásan prográmma olles bearrašii. Dáhpáhussii lea friddja beassan, muhtun aktivitehtaide lea smávva oassálastinmáksu.
Govva: Harri Tarvainen / Meahciráđđehus.
– Sávvat buohkaid lieggasit bures boahtin Salla álbmotmeahci áidnalunddot rahpanávvudeapmái, mii lea fiinna dilálašvuohta oahpásmuvvat Suoma ođđaseamos álbmotmeahccái. Vuordit dáhpáhussii luonddu ja vánddardeami ustibiid lahka ja guhkkeleappos, álbmotmeahccehoavda Hely Juntunen muitala.
Rahpanbeaivi fállá doaimma buot áiccuide ja somás buđaldeapmi gávdno rávisolbmuide ja mánáide. Guovllu fitnodatdoallit, searvvit ja eará doaibmit ordnejit gussiide earálágan ealáhuslaš doaimmaid, dego sub-lávddiin mealluma, kanohttamealluma, doaibmabáikkiid ja láidestuvvon bohccuid biebmantuvrraid. Luonddu beassá áicat vuovdejoga, trumbolotkkodahttinbottu ja jaskatvuođa guldaleami oktavuođas. Beaivvi áigge sáhttá maiddái geahččalit vuokka ráhkadeami ja smávvavuskkoniid oagguma ja bassima Tammakkolampis. Bearraša unnimusaide leat fállon luonddumáinnasbottut Salla girjerádjobiillas.
– Rahpandoaluin leat oidnosis maiddái sallalaš mánát ja nuorat. Guossit besset oahpásmuvvat Salla skuvlamánáid ja beaiveruovttu mánáid giđa áigge dahkan fiinna luonddudáiddagalleriijai, mii laktása Salla álbmotmeahci lundui ja šlájaide. Hely Juntunen muitala.
Rahpandoalloguovllu šilljui ordnejuvvo ávvolávdi, gos lea máŋggabealat prográmma musihkkaloaiddastemiin sáhkavuoruide. Beaivvi áigge ávvolávddi alde oaidnit earret eará Sallas bajásšaddan artistta Memmu, gean folk-pop-vuoiŋŋalaš musihkas čuodjá suopmelaš vuovdi.
Boradeapmái leat fállojuvvon máŋggabealat molssaeavttut báikkálaš sallalaš smáhkaiguin, gumposiin duolbaláibbiide ja máilmmi davimus gurkái. Guđačuođi vuosttas guossái fállojuvvo nuvttá mális ja nisokáfet. Báikki alde gávnnat maiddái dujiid báikkálaš duojáriin. Dollagáttis káfestallama oktavuođas sáhttá návddašit ealli musihkas báikkálaš artista Eereka loaiddastettiin.
Diehtoáŋgirat gávdnet dieđuid Salla Wilderness Park auditorias dollojuvvon dieđuaddimiin álbmotmeahcis, dan luonddus ja historjjás. Ođasmahtton luonddučájáhussii lea vejolaš oahpásmuvvat Meahciráđđehusa luonddubálvalusaid ofelaččaid jođihemiin.
Geasseidja joatkašuvvá Vuovdehotealla Sallas
Rahpandoaluid maŋŋá geasseijas lávvardagas 11.6. sotnabeaivái 12.6. sáhttá báhcit návddašit Suomen latu ja Salla Latu Polku ordnen Vuovdehotealla Salla –idjadandáhpáhussii. Vuovdehotealla ceaggana Salla luondduguovddáža lahka lean Kontiokankaaharjui boares vuovdái. Vuovdehotellii šihttet idjadit s. 100 olbmo muoraid gaskii čavgejuvvon oađđinsajiide, heaŋgámáhtáide ja tealttáide. Almmuheapmi Vuovdehotealla Sallai lea rabas.
Lassedieđut:
Milla Sairanen, plánejeaddji, Meahciráđđehus, Lappi Luonddubálválusat; milla.sairanen@metsa.fi, tel. 040 668 5678
Rahpandoalut ja Vuovdehotealla Salla (luontoon.fi) (suomagillii)
Salla álbmotmeahcci (luontoon.fi) (suomagillii)
Salla luondduguovddáš (luontoon.fi) (suomagillii) (Salla Wilderness Park, ent. Poropuisto), Hautajärventie 111, 98900 Salla