Soađegili davveoasis lean Soabbada luonddumeahcis bođii fápmui ođđa ortnetnjuolggadusa. Dárbu ođđa ortnetnjuolggadussii bođii luonddusuodjalanlága ja luonddumeahci guoskevaš lága beaivádemiid mielde. Dál gomihuvvon boares ortnetnjuolggadus lei jagis 2006.
Soabbada luonddumeahci hearkkes luonddu suodjaleapmin vánddardeaddji lihkadeapmi lea ain eanaš lobálaš dušše merkejuvvon máđijaid mielde. Báikkálaš ássiin ja boazodoallobargguin lihkadeaddjiin leat lága addán viiddit lihkadanvejolašvuođat. Báikkálaš ássit ožžot lihkadit luonddumeahcis murjedettiin ja guobbariid čoakkedettiin ja boazodoallit doaimmain, mat leat dárbbašlaččat boazodoalu várás.
Ortnetnjuolggadusas leat čohkkejuvvon mearrádusat maiddái eará gohttemis, dolastallamis ja meahccejohtalusas. Dát leat ain gildojuvvon muhtun spiehkastagaid vuhtii válddekeahttá. Ovdamearkan gohttet oažžu dušše Soabbatjávrri bosihanbáikkis. Mearrádusat veahkehit sihkkarastit, ahte luonddumeahcci ávkkástallo vásttolaččat gudnejahttimiin dan sierrasárgosiid.
Luonddumeahcit leat vuođđuduvvon eanaš dieđalaš mihttomeriide. Dat leat stáhta guovlluin ja bálvalit vuosttažettiin luonddusuodjaleami ja dutkama ja maiddái oahpahusa suodjaleami addán rájáid siste.
Luonddumeahcit leat eanaš giddejuvvon álbmogis, muhto oasis leat merkejuvvon máđijat. Daid suodjalanmearrádusat leat čavgadut go ovdamearkan álbmotmehciin.
Oahpásmuva ortnetnjuolggadussii (julkaisut.metsa.fi).
Lassedieđut:
Pirjo Rautiainen, Eanageavaheami sierraáššedovdi, Luonddubálvalusat, Meahciráđđehus, 0405081673, šleađgapoasta hámis: ovdanamma.sohkanamma@metsa.fi