Soabbatjávrrigeainnus leat álggahan geaidnobuoridanbargguid duorastaga 16. čakčamánus. Geainnu buoridanbarggut gusket geainnu Nalijoki-Rovaselkä gaskkas. Rumbbuid molsuma dihtii geaidnu lea gaskkohagaid rastá johtalusas dmu 6-20 gaskkas. Gidden bistá háválassii sulaid diibmobeales diibmui. Barggut bistet árvvoštallama mielde čakčamánu lohppii.
Vuođđobuoridanbarggut dahkkojuvvojit golmma muttus, main vuosttas muddu, mii dál álgá, lea rogganmašiinnain dahkkon geainnu ruŋggu divvun.Geainnu divvunbarggut luonddumeahci guovllus dahkkojuvvojit earenoamáš várrugasvuođain ja nu, ahte birrasa luondu seastašuvvá.
Geaidnobarggut váikkuhit Pyhä-Nattanen vánddardanmáđijaid geavaheaddjiide ja vejolaččat meahccebivdiid smávvafuođđoguovllus Lokka-Poartabákti 3615 ja ealgabivdoguovllus 8135 Koitelainen. Pyhä-Nattanen máđija álgo- ja loahppageažit gullet divvunvuollásaš geaidnoossodahkii. Lassin Finnmárkkubálgá vuolgga- ja loahppačuokkis ja Soabbatjávri čuozáhagat leat geaidnoossodagas, mii divoduvvo.
Vuosttas muttu áigge geainnu alde johtet rogganmašiinnaid lassin maiddái eará lossa geaidnobargorusttegat, man dihtii johttiin gáibidit vuodjinleavttu vuolideami ja earenoamáš várrugasvuođa. Geaidnu lea gaskkohagaid rastá johtalusas, man galgá váldit vuhtii máđidja ja beaivvi áigetávvala plánedettiin.
Geaidnu divvojuvvo boahtte gease rádjai
Geidnui lonuhuvvojit bieđganan rumbobohccit (earret Kotaoja ja Hietaoja stuorra rumbbut) ja geainnu deaivvadansajit divvojuvvojit johtalusdorvvolašvuođa buorideapmin. Vuosttas muttu árvvoštallojuvvon bistin lea 30. čakčamánu rádjai.
Geainnu divvunbarggut joatkašuvvet dálvit, go Kotaoja ja Hietaoja rokkiid rávnnjit leat unnimus dásis. Áiggi heivehemiin figgat geahpedit rumbbuid lonuhanbarggus luovvanan eanaávdnasa fievraseami vulobeale čázádahkii. Stuorra rumbobohcciid molsuma mielde luonddučáziin jávket guliid vádjolan- ja goargŋuneastagat, maid boares rumboráhkadusat dahke.
Goalmmát muttus boahtte gease geaidnoossodahkii lebbejuvvo čievrageardi, mii buorida geainnu anolašvuođa ja geainnu fuolahanbargguid.
Lassedieđuid geaidnobargguin addá Meahciráđđehusa geaidnobargoovdaolmmoš Jukka Ylisirniö, t. 040 480 4265, jukka.ylisirnio@metsa.fi.
Lassedieđuid guovllu vánddardanbálvalusain ja -máđijain addá Urho Kekkonen álbmotmeahci bálvalanbáiki Kiehinen, t. 0206 39 7200.
