Leavggat gessojuvvojit stággui borgemánu maŋimuš lávvardaga Suoma luonddu beaivvi gudnin. Jagi 2013 rájes lágiduvvon ávvubeaivi lea buktán luonddu ávvudeami oassin jahkegirdui! Dánge jagi Suoma luonddu beaivi dievvá dáhpáhusain ja olbmuin, geat vánddardit, ja geaid niesterehpuin leat sarritgáhkut. Ávvudeaddjit ávžžuhuvvojit oassálastit Instagramas dáhpáhuvvan sarritgáhkkohástalussii.
Beaivi, mas lea olu olgolihkadeapmi,olaha alimus muttus go suopmelaččat ijastallet olgun. Sisministeriija ávžžuhusas levget lundui virggálaččat ja goalmmát geardde.
Dáhpáhusat Raaseporis gitta Heahttái
Suoma luonddu beaivi ja dan ovddit vahkku oažžu logiid duháhiid suopmelaččaid olggos ja luonddudáhpáhusaide miehtá Suoma. Olles vahku sallut muoraid oassin Muorasallunvahku. Suoma iskárlihkadus ordne Suoma stuorámus meahcceseminára, Hoavdadolat (Johtajatulet). Logit luondduvuogi mielde doaibma dálut rahpet uvssaideaset ja bovdejit guossái. Suoma luondduguovddáš Haltias ordnejuvvojit Bivdomeassut. Luonddu ávvubeaivi alimus boddu lea eahketdolastallan, go Suomen Latu hástala suopmelaččaid ijastallat olgun iešheanalaččat dahje tealtáhoteallain miehtá Suoma, ovdamearkan Gilonanoaivvis dahje Oittaas. Suoma luonddu beaivvi dáhpáhuskárta, gosa juohkehaš sáhttá almmuhit luonddudáhpáhusas, gávdno beaivvi fierbmesiiddus www.suomenluonnonpaiva.fi.
Mearkabeaivvi kruvnnida levgen ja virggálaš gáhkku
Levgen leamašan dehálaš oassi Suoma luonddu beaivvi álggu rájes. Jagi 2017 rájes sisministeriija lea virggálaččat ávžžuhan levgema Suoma luonddu beaivvi gudnin. Dalle Suopma lei vuosttas riika, mas luonddus lea iežas levgenbeaivi. Dán jagi Suomas levgejit luonddu virggálaččat juo goalmmát geardde. Leavggat badjánit stákkuide birra riikka.
Juohke dehálaš mearkabeaivvis lea iežas gáhkku. Suoma luonddu beaivvi ávvudeaddjiid ávžžuhit niestereisui sarritgáhkuin. Sarritgáhku sáhttá oastit gávppis, láibut ieš ruovttus dahje bassit vaikke dollagáttis. Reseapttaid ja govaid stellemiin sáhttá juohkit sosiála medias dovddaldagain #luonddubeaivi ja #sarritgáhkku #luonnonpäivä ja #mustikkapiirakka. Mánáid luonddugaskavuohta huksejuvvo Sibelius oahpuiguin
Dihtetgo, ahte Suoma eanemus árvvusadnojuvvon šuokŋadahkki Sibeliusas lei mielde riššatoasa, masa son lei čoaggán fárrui bihttá suopmelaš meahci? Ná sus lei lupmastit smávva toasa, man sisdoalu havssedettiin sáhtii lovppet čállinbeavddi guoras oahpes sorvviid hája lusa. Dáiguin našuvdnašuokŋadahkki oahpuiguin beaiveruovttut ja skuvllat movttiidahttojuvvojit lundui mearkabeaivvi ovddit vahkus. Sibelius-boksa lea álki ja doaimmalaš vuohki oahpásmuvvat lundui ja háleštit dasa gullevaš muittuin. Muittuid ja dovdduid boktán bihtát luonddus čohkkejuvvojit riššatossii. Buot tiŋggat galget heivet riššatossii, nuba daid gagá válljet fuolalaččat. Sibelius-boksii čoaggima sáhttá ovttastahttit hálešteapmái ovdamearkan muittuin, boahttevuođa luonddus, vildabiepmus, dearvvašvuođas dahje luonddugaskavuođas oppalaččat.
Fakta
- Suoma luonddu beaivi lea luonddu iežas levgenbeaivi, man leat ávvudan jagi 2013 rájes.
- Beaivi ávvuduvvo álo borgemánu maŋimuš lávvardaga. Dán jagi beaivi lea 31.8.
- Ávvubeaivi oažžu olbmuid tuvrraide ja olggos lundui. Dán jagi Suoma luonddu beaivi dievvá dáhpáhusain ja vánddardeaddji olbmuin, geaid niesterehpuin lea sarritgáhkut.
- Dáhpáhusvaljis beaivvi alimus boddu lea, go duháhat olbmot ijastallet olgun.
- Sisministeriija ávžžuha levgema Suoma luonddu beaivve.
- Dego juohke oahpes ávvubeaivvisteamet, maiddái Suoma luonddu beaivvis lea iežas gáhku: sarritgáhkku.
- Universiteahta albmenáhkkedoaimmahat dagai beaivvis virggálaš mearkabeaivvi jagi 2018. Dat gávdno árbevirolaš albmánáhkis jagi 2020 rájes.
Lassidieđut:
Joel Heino, Suoma luonddu beaivvi koordináhtor, +358 40 621 0673, joel.heino(at)metsa.fi