Diehtosuodji

Registardieđuid dárkkistanbivdda

Dárkkistanbivddaskovvi (suomagillii)

Dáinna skoviin sáhtát jearrat, mat dieđut Dus leat vurkejuvvon Meahciráđđehusa bajásdoallan registtariidda. Printe skovi ja sádde dan čujuhussii: Metsähallitus / Kirjaamo, PL 80, 00521 Helsinki

Meahciráđđehusa Metsa.fi-siiddut leat buohkaide rabas siiddut. main muitalit Meahciráđđehusa organisašuvnnas, doaimmas ja áigeguovdilis áššiin.

Dieđuid čoaggin

Metsa.fi-siidduin eai čoakke dieđuid geavaheaddjis eará sajis go máhcahatskovis; geavaheaddji sáhttá háliidettiin guođđit oktavuođadieđuidis, jus son háliida máhcahahkii vástádusa. Máhcahatskoviin sáhttá addit čuovvovaš persondieđuid: namma, báikegoddi, šleađgapoasta, telefonnummir.

Dieđuid gieđahallan ja luobaheapmi

Máhcahatskoviin čoggojuvvon dieđut sirdašuvvet Meahciráđđehusa biras- ja kvalitehtavuogádaga máhcahatvuđđui. Persondieđut eai luobahuvvo Meahciráđđehusa olggobeallái ja daid gieđahallet dušše ETA-guovllus siste.

Dieđuid seailluheapmi

Máhcahagaid oktavuođas addojuvvon persondieđut seailluhuvvojit nu guhká go máhcahaga gieđahallan Meahciráđđehusas gáibida.

Dieđuid suddjen

Metsa.fi-siidduid suddjemis čuovvut buori diehtodorvovuogádaga ja fámus lean lágaid ja njuolggadusaid ja daid dievasmahtán Meahciráđđehusa rávvagiid. Vuogádaga geavaheapmi lea ráddjejuvvon geavahanrivttiiguin dušše dieđuid bárggus dárbbašan olbmuide.

Diehtočoahkuid ávkkástallan

Metsa-fi-fierbmebálvalusas geavahit diehtočoahkuid (“cookies”) ja eará sullasaš teknihkaid, dego bláđána báikkálaš vuorkká (“local storage”). Diehtočoahkut leat terminálarusttega bláđána ja servera gaskasaš smávva teakstafiillat. Diehtočoahkuin ja eará dovddalmasain lea meroštallojuvvon fápmosis leahkináigi, man maŋŋá bláđán jávkada dovddalmasa. Geavahat dáid teknihkaid doaimmaid ollašuhttimii.

Bálána stellemiin geavaheaddji sáhttá háliidettiin gieldit diehtočoahkuid vuostáiváldima dahje jávkadit vurkojuvvon diehtočoahkuid. Dát sáhttá dahkat goittotge váilevašvuođaid bláđána doaibmamii.

Fierbmebálvalussii leat vuodjudan oidnosiid goalmmát oassebeali fierbmebálvalusain, mat sáhttet stellet du bláđánii diehtočoahkuid:

Čájet diehtočoahkkostellemiiddán

Neahttabálvalusa geavaheami čuovvun

Metsa.fi-neahttabálvalusa geavaheamis čoggojuvvo diehtu almmá diehtočoahkuid Snoobi Analytics -bálvalusain. Neahttabálvalusa galledeaddjiin eai čoakke persondieđuid, main ovttaskas geavaheaddji sáhtašii dovdát. Dieđut ávkkástallojit neahttabálvalusa ovddideamis. Čoggojuvvon dieđut seailluhuvvojit Snoobi Analytics -bargoneavvus. Snoobi hálddaša dáid dieđuid diehtosuodjegeavadaga mielde. Lassedieđut leat Snoobi Analyticsin neahttasiiddus (snoobi.com). 

Registrerejuvvon olbmo vuoigatvuođat

Registrerejuvvon olbmos lea vuoigatvuohta bivdit registardoallis iežas guoskevaš dieđuid sihke vuoigatvuohta bivdit eahpedárkilis ja feaillalaš dieđuid vuigema ja daid gieđahallama ráddjema dassážii go dieđuid doallevašvuohta lea sihkkarastojuvvon. Registrerejuvvon olbmos lea maiddái vuoigatvuohta dahkat váidaga bearráigeahččovirgeoapmahažžii persondieđuid gieđahallandoaimmain.

Registardoalli oktavuođadieđut

Diehtosuodjeáššiin bivdit váldit oktavuođa vuosttažettiin girjjálaččat njuolga registardoallái: Metsähallitus/Kirjaamo, PL 80, 00521 Helsinki dahje molssaeavttolaččat čujuhussii: tietosuoja@metsa.fi.