Luonddubuvttalobit Meahciráđđehusa lotnolasgeavahanvuvddiide

Rásiid, meahci murjjiid, guobbariid ja eatnamii gahččan lasttaid, bihcabáhcahiid ja eaikanihtiid mat eai leat ráfáidahtton oažžu čoaggit doppe, gos lihkadeapmi buohkaid vuoigatvuođain lea lobálaš.

Buohkaid vuoigatvuođa birii gulatkeahtes dárboávdnasiid háhkamii dárbbašat eananoamasteaddji lobi.

Meahciráđđehusa vuovdedoallogeavahusas lean lotnolasgeavahanvuvddiin sáhttá čoaggit vuolil logahallon luonddubuktagiid go skáhppo persovnnalaš luonddubuvttalobi. Lobi sáhttá oastit telefovnna bokte Eräluvat-gávppis, nummir lea 020 69 2424 (rabas árgan dmu 9-16).

Luonddubuvttalobit addet vuoigatvuođa čoaggit

  • guosavesáid
  • skábi urbbiid
  • čáná
  • soahkelasttaid
  • lastamuoraid ovssiid omd. lastarissegihpuid váras
  • gáhči
  • sámmáliid
  • gohcciid
  • rássenađat šattuid mat eai leat ráfáidahtton go čoagginmearri manná badjel  ”buohkaid vuoigatvuođain” lobálaš meari.

Lohpetiippat leat guokte

  1. Luonddubuvttalohpi
    Buktagiid max. čoagginmearri oktiibuot 50 kg dahje 200 lihttera. 24,95 € (3 mánotbaji oastinbeaivvis, sisttisdoallá Álv 24 %)
  2. Luonddubuktagiid jahkelohpi
    Buktagiid max. čoagginmearri oktiibuot 200 kg dahje 800 lihttera. 49,90 € (jahki oastinbeaivvis, sisttisdoallá Álv 24 %).

Lotnolasgeavahanvuvddiid oainnát Retkikartta.fi-bálvalusas

Áššehas galgá leat sihkkar das, ahte guovlu, gos son lea váldimin luonddubuktagiid, lea Meahciráđđehusa hálddašeamis lean vuovdedoallogeavahusas lotnolasgeavahanvuovdi.

Lohpi ii guoskka suodjalanguovlluid.

Meahciráđđehusa lotnolasgeavahanvuvddiid sajádahkii sáhttá oahpásmuvvat dárkilabbot Retkikartta.fi-bálvalusas váldimin geavahussii kártadási ”Vuovdedoalu lotnolasgeavahanvuovddit”.

Lohpi ii guoskka retkikartta.fi:s lotnolasgeavahanvuvddiid kártadási ”Dutkamuš- ja oahpahanvuovddit”.

Rávvagat luonddubuktagiid čoaggimii

Gáhčči

Gáhči oažžu čoaggit dušše muora olggožis, dainna lágiin go dat lea lunddolaččat golgan muoraid ruŋgguin. Muoraid ii oaččo vahágahttit čoaggima oktavuođas iige dáid oaččo skáidnet ded.

Guosávesát ja gohcit

Ii oaččo čoaggit 4 mehtera oanehut guosavesáin. Gierašattalmasaid ii oaččo čoaggit.

Soahkelasttat, sávdnevásttát ja gihput

Galgá čoaggit dahje dahkat lastamuorravesáin dahje šaddaduvvon muoraid vuolleovssiin, Šaddaduvvon muoraid ii oaččo njeaidit. Ii oaččo čoaggit gilvvasoahkevuvddiin.

Čurolasta

Guovllu ii oaččo čoaggit čurolasttain báljisin. Galgá guođđit šaddat unnimustá 5 buoremus čurolastta/m2. Galgá garvit čoaggimis hárvves šaddandeahtisvuođain. Ovttaskas šattuid ii oaččo čoaggit.

Earát luonddubuvttalobit

Oppa riikka guoskevaš luonddubuvttalobi lassin lea iežas sierra luonddubuvttalohpi Davvi-Sámi vuovdedoalloguvlui.

Meahciráđđehusa luonddudoalloguovlluide Eanodaga, Anára ja Ohcejoga gielddain vuvdojuvvojit mobiilalobiin soames earátge luonddubuktagat.

Juovlamuorralohpi

Juovlamuora viežžamii Davvi-Suoma stáhta eatnamiin (Ovddeš Oulu ja Lappi leana guovllut) vuoigadahtti lobi sáhttá háhkat Eräluvat-gávppis.

Lassediehtu