Máŋggahámatvuođa indeaksa
Meahciráđđehus čuovvu stáhta eatnamiid luonddu máŋggahámatvuođa dili ovdáneami máŋggahámatvuođaindeavssain. Indeaksa govvida sihke luonddu máŋggahámatvuhtii dehálaš huksensárgosiid, dego mieskamuora meari, ovdáneami ja luonddu máŋggahámatvuođa seailumii ja ovddideapmái dahkkon investeremiid, dego luonddučuozáhagaid seailuma ja ovddežiin dikšundoaimmaid meari, váikkuheaddjivuođa.
Indeaksa muitala máŋggahámatvuođa ovdáneamis
Máŋggahámatvuođaindeaksa čoahkkana viđa mihttáris, mat leat
- Natura 2000 –eanaluonddutiippaid dilleárvvoštallan
- luonddučuozáhagaid váldin vuhtii čuohppamiin
- ovddežiin dikšundoaimmaid viidodat (ha)
- mieskamuora mearri (m³/ha)
- gassa subi mearri (m³/ha).
Máŋggahámatvuođaindeavssa árvu muitala, leago luonddu máŋggahámatvuohta ovdáneamen stáhta eatnamiin ja priváhta suodjalanguovlluid heajut (1) vai buoret guvlui (5).
Mihttomearrin bissovaš buorideapmi
Jagi 2020 máŋggahámatvuođaindeaksa oaččui árvvu 3,91. Jagi 2019 indeaksa árvu lei 3,82. Mihttára árvu lea buorránan juohke jagi gitta jagi 2016 rájes.
Máŋggahámatvuođaindeaksa ja ovdáneapmi (skálas 1-5) stáhta eatnamiin jagiin 2017-2019.
| Mihttár | 2018 | 2019 | 2020 |
|---|---|---|---|
| Natura 2000 –eanaluonddutiippaid dilleárvvoštallan | 3,9 | 3,9 | 3,82 |
| Luonddučuozáhagaid váldin vuhtii čuohppamiin | 4,87 | 5,00 | 5,00 |
| Ovddežiin dikšundoaimmaid viidodat (ha) | 3,81 | 4,06 | 5,00 |
| Mieskamuora mearri (m³/ha) | 2,13 | 2,13 | 2,125 |
| Gassa subi mearri (m³/ha) | 4,00 | 4,00 | 3,5 |
| MÁŊGGAHÁMATVUOĐAINDEAKSA | 3,74 | 3,74 | 3,91 |
Indeavssa oasseguovlluin buoremusat lihkostuvaimet jagi 2020 luonddučuozáhagaid vuhtii váldimis vuvddiid gieđahallamis ja ovddežiid dikšuma ja luonddudikšuma viidodagaid šaddadeamis.
Osseindeaksa guorahallamis vuolimus árvosáni oaččui mieskamuora mearri. Dan lasiheapmi lea ásahuvvon mihttomearrin čuovvovaš jagiide.