Fuođđobálvalusat

Fuođđobálvalusat ja Luonddubálvalusat leat Meahciráđđehusa almmolaš hálddašandoaimmaid dikšon vástoguovllut.

Fuođđobálvalusat vástida guolle- ja meahccebivddu ordnemis stáhta eatnamiin. Vuovdit guolástan- ja meahcástanlobiid ja čoaggit stáhta guolleváriiddikšunmávssu eana- ja meahccedoalloministeriijai. Lassin min fuođđoplánejeaddjit mieđihit sierra ohccojuvvon lobiid, dego ealgabivddu guovllulobiid ja gávppálaš guollebivddu lobiid, sihke dahket láigosoahpamušaid guollebivddu ja meahccebivddu várás. Min bivdogohccit čuvvot lágaid čuovvuma ja lobiid fámus leahkima.

Doaibmamet lea ordnet bivdovejolašvuođaid daiddage, geain dat eai muđuid livččii. Sierralágan meahcástan- ja guolástanlobiid vuvdet jahkásaččat sulaid 150 000. Lassin min bivdobargoveahkamet váldá barggustis vuhtii guolásteaddjiid ja meahcásteaddjiit, geat bivdet stáhta eatnamiin almmolaš- ja sierravuoigatvuođain. Dát leat ovdamearkan nuvttá vuoigatvuohta rudneoaggut ja oaggut, davvisuopmelaččaid nuvttá vuoigatvuohta meahcástit ruovttugielddas stáhta eatnamiin ja gieldda olbmuid nuvttá guolástanlohpi Davvi-sámis.

Stáhta guovlluin bivdet árvvu mielde measta guokte miljon beaivvi jagis.

Fuođđobálvalusaid ruhtadeapmi boahtá oassái stáhta bušeahtas, oassin lohpevuovdinsisaboađuin. Doaibmamet mihttomeriid ásahit jahkásaččat eana- ja meahccedoalloministeriija. Fuođđobálvalusat lea oassi stáhtahálddahusa fuođđokonseartna, masa gullet stivrejeaddji ministeriija lassin Suoma fuođđoguovddáš, Luondduváriidguovddáš ja Biebmodoaimmahat.

Ávkkit ja buresbirgejupmi Fuođđobálvalusain

Fuođđobálvalusat mearri, man olu lobiid guđege guvlui sáhttá eanemustá mieđihit, vai guolle- ja meahccebivdu livččii suvdilis. Min Fuođđoplánejeaddjit dárkilastet dihtomeari jahkásaččat ovdamearkan varraseamos fuođđorehkenastimiid vuođul. Guolástan- ja meahcástanlobiid oastin lea álo investeren lundui, go sisaboađut ávkkástallojuvvojit bivdoeatnamiid ja guollečáziid dikšumii.

Stáhta eatnamiin meahcástan ja guolástan olbmuid ruhtageavaheapmi buktá sisaboađuid báikkálašekonomiijai, eandalii boaittobealeguovlluide. Okta meahcástanguovlu buktá báikegoddái sulaid 1,5 bargosaji ja juohkehaš guollebivdi buktá čuozáhatguvlosis sulaid 140 euro ovtta guolletuvrras. Luonddus lihkadeapmi buorida maiddái forpma: ovdamearkan smávvafuođđu meahcásteaddjit vázzet bivdobeivviideaset áigge gaskamearálaččat gávcci kilomehtera luonddus.

Áššedovdámet bagadallet mánáid ja nuoraid bivdobuđaldussii. Geassemánu Stággobeaivi ja čuoiganluomuid Rudneoaggunbeaivvit leat buohkaide vuolleahkásaččaide oaivvilduvvon nuvttá guollebivdobeaivvit Meahciráđđehusa čuozáhagain.

Fuođđobálvalusaid organisašuvdna ja oktavuođadieđut

Oktavuođadieđut

Fuođđobálvalusaid bargoveaga oktavuođadieđut leat Eräluvat.fi-bálvalusas (suomagillii)

Fuođđobálvalusaid jođiheami oktavuođadieđut leat Metsa.fi-siidduin (suomagillii)

Meahciráđđehusa Fuođđobálvalusaid jođiha bivdodoallohoavda ovttas jođihanjoavkkuin. Fuođđobálvalusat lea juhkkojuvvon davviguvlui ja máttaguvlui, maid jođihit bivdodoallooaivámušat.

Lassin Fuođđobálvalusain doibmet njeallje joavkku. Guolle- ja meahccebivdojoavkkuid jođihit alladárkkisteaddjit ja bivdogohcinjoavkku bivdogohcinoaivámuš. Lassin iežaset joavkkut leat gulahallamis ja áššehasbálvalusas.

    Lassidieđut Fuođđobálvalusain