Jođiheapmi
Meahciráđđehusa vásttolašvuohta jođihuvvo ehtalaččat ja dieđu vuođul sihke ovddidemiin doaimma ja digitála bálvalusaid ovttas áššehasaiguin ja guimmiiguin.
Vásttolašvuođa jođiheapmi Meahciráđđehusas
Vuođđojurdagat linnjejuvvojit politihkain
Meahciráđđehusa vásttolašvuođa ja birasáššiid prinsihpat linnjejuvvojit vásttolašvuođa- ja biraspolitihkain.
Meahciráđđehusas váldohoavda vástida vásttolašvuođa ja birasáššiid jođiheamis ja ollašuhttimis. Meahciráđđehusa ráđđehus ásaha almmolaš strategalaš vásttolašvuođa- ja birasmihttomeriid jođihanjoavkku evttohusas, ja jođihanjoavku vástida daid ollašuhttimis iežas vástosurggiin.
Gulahallanhoavda vástida vásttolašvuođaprográmma ja ovddidanhoavda birasvuogádaga ollašuhttimis. Doaimma doarjjan barget konseardnaovttadagaid ja vástosurggiid dahjege Meahciráđđehusa Vuovdedoallu Os:a, Giddodatovdáneami, Luonddubálvalusaid ja Fuođđobálvalusaid áššedovdiin čohkkejuvvon vásttolašvuođajoavku ja birasjoavku. Láhkaáššit-ovttadat vástida Meahciráđđehusa gáibádusaid čuovvumis ja doarju doaibmavuohkerávvaga ja riekta doaibmama geavadagain.
Vástosuorggit sihkkarastet, ahte Meahciráđđehusa vásttolašvuođa- ja birasprinsihpat oidnojit doaimmas áššehasaiguin, guimmiiguin, doaimmaheaddjiiguin ja eará čanusjoavkkuiguin. Juohkehaš Meahciráđđehusa bargi vástida das, ahte vásttolašvuođaprográmma ja birasvuogádaga rávvagat ollašuvvet iežas barggus.
Meahciráđđehusa doaimma vásttolašvuohta sihkkarasto ja ovddiduvvo birrasa dáfus maiddái biras- ja kvaliteahttavuogádagain (ISO 14001, ISO 9001) ja ekonomiijaanus lean lotnolasgeavahanvuvddiid PEFC-sertifiseremiin. Meahciráđđehus lea vásttolašvuođafierpmádat FIBS:a lahttu.
ON:id suvdilis ovdáneami mihttomearit
Sáhttit doaimmaideametguin jođiheapmi-deaddočuokkesguovlluin váikkuhit eandalii mihttomearrái 16: ráffi, vuoiggalašvuohta ja buorre hálddašeapmi.
