Turismabálvalusat suodjalanguovlluin

Meahciráđđehusa Luonddubálvalusat bajásdoallá luonddusuodjalan- ja vánddardanguovlluid vuođđobálvalusaid stáhta eatnamiin ja čáziin. Bálvalusat leat priváhta áššehasaide nuvttá, muhto fitnodagat galget máksit daid geavaheamis jahkásaš geavahanbuhtadusa, mii mearrašuvvá áššehasmearrái.

Ovttasbarggu vuosttamuš ulbmilin lea dáhkidit turismma suvdilisvuođa sihke guovllu luonddu- ja kulturárvvuid seailuma. Oassin ovttasbargosoahpamuša fitnodagat čatnasit doaibmat suvdilis turismma vuođđojurdagiid mielde álo, go doaibman čuohcá Luonddubálvalusaid hálddašan čuozáhagaide. Lassin háhpohallojuvvo sihke ovttasbargofitnodagaid ja suodjalanguovlluid dovddusvuođa ja geasuhusfámolašvuođa  lasiheami. Ovttasbarggu ulbmilin lea maiddái ovddidit buvttagárgema ja gulahallama ja bálvalit oktasaš áššehasaid nu bures go vejolaš.

Soahpamuštiippat ja mávssut

Turismma fitnodatdoaimma hárjeheapmi gáibida álo soahpamuša, go dat čuohcá guovlluide, main leat máđijat, vuoiŋŋastansajit dahje earát vánddardanráhkadusat ja go fitnodaga doaibman dorjjoda dáidda ráhkadusaide. Luonddubálvalusaid ulbmilin lea ovttasbargosoahpamuša gárvvisteapmi álo, go fitnodat geavaha jeavddalaččat suodjalan-, meahcce- dahje suodjalanprográmmaguovllu doaimmainis dahje muđui profilere doaimmas daidda.

Geavahusas leat guovttelágan ovttasbargosoahpamušat:

  • Ovttasbargosoahpamuš geavahanvuoigatvuođa luobadeami haga dahjege gulahallamii vuođđuduvvan ovttasbargosoahpamuš.
  • Ovttasbargosoahpamuš, mii sisttisdoallá geavahanvuoigatvuođa luobadeami.

Ovttasbargosoahpamuš almmá geavahanvuoigatvuođa luobaheami dahjege gulahallamii vuođđuduvvan ovttasbargosoahpamuš

Ovttasbargosoahpamuš geavahanvuoigatvuođa luobadeami haga guoská dilálašvuođaid, main fitnodatdoalli ii geavat doaimmainis Meahciráđđehusa bajásdoallan vánddardaráhkadusaid muhto ovdamearkka dihtii muitala áššehasaide Meahciráđđehusa čuozáhagain. Dábálaččat dákkáraš soahpamušat dahkkojuvvojit omd. idjadan- dahje restoráŋŋa- dahje fievrridanfitnodatdolliiguin.

Gulahallamii vuođđuduvvan ovttasbargosoahpamuša haddi lea soahpamuša vuođđohaddi (80 € + alv 25,5 %) ja dat gokčá olles soahpamušbaji.

Ovttasbargosoahpamuš, mii sisttisdoallá geavahanrievtti luobaheami

Go fitnodat doalvu jeavddalaččat áššehasaidis báikkiide, main leat Meahciráđđehusa bajásdoallan vánddardanrusttegat, dat dárbbaša ovttasbargosoahpamuša, mii sisttisdoallá geavahanrievtti luobaheami. Dalle ovttasbargosoahpamuša haddi šaddá soahpamuša vuođđomávssus olles soahpamušbajis (80 € + alv 25,5 %) ja jahkásaš geavahanmávssus haddecehkiid mielde.

Geavahanmáksu sisttisdoallá vánddardanráhkadusaid bajásdoallama, fuolahusa ja boaldinmuoraid geavaheami. Bálvalanráhkadusat leat omd ávdinstobut beaiveanus, goađit, goavddit, dollasajit, hivssegat, šaldit, kájat, merkejuvvon máđijat je. vánddardanráhkadusat. Haddi ii sisttisdoala bázahusfuolahusa, go ovttasbargosoahpamuša mielde fitnodagat galget buktit iežaset ruskkaid eret. Meahciráđđehus ollašuhttá váldonjuolggadusa mielde ruskkahis vánddardeami.

Jus fitnodagas lea jo fámus lean soahpamuš, vuođđomávssu ii dárbbaš máksit ođđasit.

Bálvalanrusttegiid geavahanmáksu lea juhkkojuvvon cehkiide árvvoštallojuvvon jahkásaš áššehasmeari mielde. Jahkásaš áššehasmearri rehkenastojuvvo árvvoštallojuvvon anu mielde per olmmoš per jándor.

Máksokategoriijat leat:

  • 0-50 áššehasa/jahki: Geavahanmáksu 60 euro + álv 25,5 % / jahki
  • 51-200 áššehasa/jahki: Geavahanmáksu 240 euro + álv 25,5 % / jahki
  • 201-500 áššehasa/jahki: Geavahanmáksu 600 euro + álv 25,5 % / jahki
  • 501-1000 áššehasa/jahki: Geavahanmáksu 1130 euro + álv 25,5 % / jahki
  • 1001-2000 áššehasa/jahki: Geavahanmáksu 2260 euro + álv 25,5 % / jahki
  • 2001-3000 áššehasa/jahki: Geavahanmáksu 3750 euro + álv 25,5 % / jahki 
  • Badjel 3000 olbmo badjel mannan meriin haddi ráđđádallo sierra.

Oza ovttasbargofitnodatdoallin

Fitnodaga dieđuid almmuheapmi Meahciráđđehusa Luonddubálvalusaide: almmuhanskovvi (lyyti.com, suomagillii)

Geardelunddot vánddardanbálvalusaid ávkkástallan fitnodatdoaimmas

Jus fitnodatdoaibma suodjalanguovlluin lea geardelunddot, ii ovttasbargosoahpamuša leat vuogas dahkat. Dalle fitnodat sáhttá máksit 75 € + álv 25,5 % sturrosaš mávssu Eräluvat.fi-bálvalussii (suomagillii).

Oktavuođa váldin Meahciráđđehussii

Jus leat beroštuvvan doaibmat turismafitnodatdoallin stáhta eatnamiin dahje eará ákkaiguin dahkat ovttasbargosoahpamuša Meahciráđđehusain, deavdde vulobeale oktavuođaváldinskovi ja muital iežat ideasttat.

Dáhpáhusain almmuheapmi

Meahciráđđehusa luonddusuodjalanguovlluide dahje lotnolasgeavahanvuvddiide plánejuvvon dáhpáhusain ja stuorra joavkkuid gohttemis galgá dahkat almmuhusa Meahciráđđehussii.

Lassedieđut

Oktavuođadieđut

  • matkailuyhteistyo@metsa.fi
  • Telefovnna bokte sáhttá váldit oktavuođa Meahciráđđehus telefonguovddáža bokte: 0206394000.