Sertifiseren
Vuovdesertifikáhta lea čujuhus das, ahte vuvddiid geavahit suvdilit ja ovddasvástáduslaččat. Visot Meahciráđđehusa Vuovdedoalu Os ekonomiijageavahusas lean lotnolasgeavahanvuovddit lea sertifiserejuvvon riikkaidgaskasaš PEFC-vuogádaga mielde. Mis lea anus maiddái ISO 14001 standárdda čuovvu sertifiserejuvvon birasvuogádat.
Meahciráđđehus Vuovdedoallu Os:i mieđihuvvon Vuvddiid dikšuma ja geavaheami sertifikáhtas leat máŋggat konkrehtalaš gáibádusat, maid ollašuvvama árvvoštallá olggobealát auditerejeaddji jahkásaččat. Earenoamáš fuomášupmi giddejuvvo vuovdeluonddu máŋggahámatvuođa dáfus dehálaš eallinbirrasiid ja čáziid suodjaleapmái, vuvddiid buvttadannávcca seailumii sihke luondduealáhusaid ja vuovdedoalu oktiiheiveheapmái. Sertifikáhta lea mearka das, ahte muorraávdnasat leat skáhppojuvvon suvdilit dikšojuvvon vuvddiin.
Buorre vuovdedikšuma lassin Meahciráđđehus Vuovdedoallu Oy PEFC-sertifiserenvuogádahkii gullá muora álgovuođu čuovvunvuogádat (Chain of Custody). Dan vehkiin sáhttá duođaštit, ahte áššehassii doaimmahuvvon muorra lea boahtán lobálaš ja dovddus sajiin. Muora álgovuođu sáhttá vuohttit vuovddis álo gitta loahppabuktagii. Lassin vuogádaga vehkiin čuovvut áššehassii doaimmahuvvon sertifiserejuvvon muorradávvira ossodaga.
Sertifikáhtat
Meahciráđđehus Vuovdedoallu Os vuvddiid dikšuma ja geavaheami sertifikáhta nummir 8305-06 deavdá PEFC FI 1001:2024 standárddaid gáibádusaid
Vuvddiid dikšuma ja geavaheami sertifikáhta (suomagillii, pdf 2 Mb)
Muora álgovuođđu gollosa sertifikáhta nummir INS-PEFC-COC-207743 deavdá PEFC ST 2001:2020 PEFC Trademarks ja PEFC ST 2002:2020 Chain of Custody standárddaid gáibádusaid.
Meahciráđđehus Vuovdedoallu Os doaimmahan muora boahtinriika lea Suopma, ja muorra čoggojuvvo Meahciráđđehusa hálddašan guovlluin. Meahciráđđehus Vuovdedoallu Os čatnasa čuovvut standárddas meroštallon bargiid dearvvašvuhtii, dorvvolašvuhtii ja vuoigatvuođaide laktásan gáibádusaid. Maiddái álgovuođđu goalus auditerejuvvo jahkásaččat sertifikáhta mieđiheaddji ja áššehasaid doaimmas ja siskkáldas auditeremiiguin. Ávnnasmuora doaimmahusat sisttisdollet beziid, guosaid, sogiid, subiid, sibirjjálastaguosaid ja kontortabeziid. Doaimmahuvvon energiijamuorra sáhttá sisttisdoallat ovddit muoraid lassin leaibbi, sieđgga ja skábi.
Birasvuogádat ISO 14001
Meahciráđđehusas lea anus ISO 14001 standárdda čuovvu sertifiserejuvvon birasvuogádat. Dán vuođul meroštallojuvvo birasáššiid čáhkadeapmi visot ovddasvástádusguovlluid doaimmaide.
Vuogádaga váimmus lea biraspolitihkka, mii sisttisdoallá birasgažaldagaid deaŧalamos oaivesajiid. Birasvuogádaga gáibádusaid mielde meroštallat visot doaimmaid mearkkašahtti birasperspektiivvaid ja daid čuovvunvugiid. Geavatlaš dásis birrasa vuhtiiváldin kristalliserejuvvo biraspolitihkas ovddiduvvon jahkásaččat nannejuvvon birasmihttomeriide.
Meahciráđđehusa strategiijalaš birasulbmilat leat:
- Biologalaš máŋggahámatvuođa seailluheapmi ja ovddideapmi
- Dálkkádatnuppástus, dasa ráhkkaneapmi ja dan doalahallan.
Dáid strategiijalaš ulbmiliid vuođul meroštallat jahkásaččat ovddasvástádussurggiid guovdu aiddostahttojuvvon birasulbmilat, mat dolvojuvvojit geavatlaš doibmii rávvema ja skuvlema bokte. Birasulbmiliid ollašuvvan árvvoštallojuvvo jahkásaččat, ja bohtosat čohkkejuvvojit birasulbmildárkkistussii, mas maiddái meroštallet dehálamos birasáššiid ovddidančuozáhagat. Dáinna doaibmanvugiin ollašuhttit birasvuogádaga meroštallan jotkkolaš buorideami prinsihpa.
Birasvuogádaga ollašuvvan čuvvojuvvo jeavddalaččat siskkáldas auditeremiiguin. Vuogádaga doaibman sihkkarastojuvvo jahkásaččat olgguldas auditeremiin, man vuođul mieđihuvvo ISO 14001-sertifikáhta. Fámus lean sertifikáhta (sertifikáhta nummir 7744-09) lea mieđihan Kiwa Inspecta Sertifiointi.